ბეტ მუნი თავისი ფოტოპროექტისთვის ეწვია ნამიბიას, ბოსტვანას, იტალიას და აშშ-ს. ფოტოგრაფი 14 წლის განმავლობაში მოგზაურობდა მსოფლიოში უძველესი ხეების მოსაძებნად. მისი ფოტოები მოხვდა წიგნში „უძველესი ხეები: დროის პორტრეტები“. „ალმასის ღამეები“ ასევე არის პროექტი ხეებზე, მაგრამ აქცენტით ღამის ფოტოგრაფიაზე.

დაყოვნება ფოტოზე შლის ზღვარს ხილულსა და უხილავს შორის. აქ ჩნდება უსასრულო კოსმოსის და მიწაში ღრმად გამდგარი ფესვების მქონე მცენარეების ბრწყინვალება.

მუნის სერიის შთაგონებით დაიწყეს მეცნიერული კვლები, რომლებიც ხეებსა და ციური სხეულების მოძრაობას შორის კავშირს ეძღვნება.

„ედინბურგის უნივერსიტეტის მკვლევრებმა დაადგინეს, რომ ხეები უფრო სწრაფად იზრდებიან, როდესაც კოსმოსური გამოსხივების უფრო მაღალი დონე აღწევს დედამიწის ზედაპირს. მივიდნენ დასკვნამდე, რომ კოსმოსური გამოსხივება გავლენას ახდენს ხეების ზრდაზე უფრო მეტად, ვიდრე ნალექის ტემპერატურა ან რაოდენობა. ცნობილმა მკვლევარმა ლოურენს ედვარდსმა აღმოაჩინა, რომ ხის კვირტები იცვლის ფორმას და ზომას რიტმულად, მთელი ზამთრის განმავლობაში რეგულარული ციკლურობით, რაც პირდაპირ კავშირშია მთვარესთან და პლანეტებთან“ - წერს ფოტოგრაფი.

ამ სერიის წყალობით ბეტმა გადაწყვიტა გადასულიყო შავ-თეთრი ფირის ფოტოგრაფიიდან ციფრულ ფერად ფოტოგრაფიაზე.

ქალმა რამდენიმე თვე გაატარა აფრიკაში ბაობაბების ყურებაში და უმთვარო ღამეებში განათების ექსპერიმენტებში.

„ისინი აღმართული არიან, როგორც ყველაზე დიდი და უძველესი ცოცხალი ძეგლები დედამიწაზე. ვთვლი, რომ ამ ხეებს განსაკუთრებული მნიშვნელობა აქვს. განსაკუთრებით ახლა, როცა ჩვენი ყურადღება მიმართულია გარემოსთან თანაარსებობის უფრო ეფექტური გზების პოვნაზე“ - აღწერს თავის „მოდელებს“ ავტორი.

ასევე დაგაინტერესებთ:

უსინათლო მხატვარი შეხებით ქმნის თვალწარმტაც ტილოებს

მარტო ბუნებასთან: 15 შთამბეჭდავი პეიზაჟი ფოტომხატვარ ბენჯამინ ევერეტისგან

ზღაპრული და მისტიკური გამოსახულებები სინა დომკეს ფოტოებში

მის ხელში მარმარილო ცოცხლდება, რის გამოც ახალგაზრდა იტალიელს მეტსახელად მიქელანჯელო შეარქვეს

ბუნების დასაცავად – ცნობილები შიშველ ფოტოსესიაში ზღვის ბინადრებთან ერთად