ყოფილი სახალხო დამცველი ნინო ლომჯარია განმარტავს თუ რას ნიშნავს მაგნიცკის სიაში მოხვედრა. ის წერს, რომ პირველ რიგში ეს გულისხმობს ფინანსური აქტივების გაყინვას და სავიზო შეზღუდვას.

ამერიკის სანქციები ბიძინას მაღალჩინოსნებს

შეგახსენებთ, რომ 19 დეკემბერს, ხუთშაბათს, აშშ-ს სახაზინო დეტარტამენტის ვებ-გვერდზე გამოქვეყნდა მაგნიცკის განახლებული სია, სადაც დასანქცირებულთა შორის მოხვდნენ საქართველოს შინაგან საქმეთა მინისტრი ვახტანგ გომელაური და განსაკუთრებულ დავალებათა დეპარტამენტის (გდდ) ხელმძღვანელის მოადგილე მირზა კეზევაძე.

სქრინი მაგნიცკის სიიდან

მაგნიცკის აქტი

რაც შეეხება მაგნიცკის სიას, ის არის მაგნიცკის აქტში შემავალი განახლებადი დოკუმენტი, მასში ხვდებიან სხვადასხვა ქვეყნის ოფიციალური პირები, რომლებიც ჩადიან სისტემურ დანაშაუელებებს. მაგნიტსკის აქტი აშშ-ში 2012 წელს შეიქმნა, რათა დაესანქცირებინა რუსეთის ის ოფიციალური პირები, რომლებიც კავშირში იყვნენ რუსი ადვოკატის სერგეი მაგნიცკის ციხეში სიკვდილთან. სერგეი მაგნიცკი მუშაობდა რუსეთში კორუფციის წინააღმდეგ. მან გამოაააშკარავა 230 მილიონი დოლარის საგადასახადო მაქინაციების კორუფციული სქემა, რომელშიც რუსეთის პოლიციისა და მთავრობის წარმომადგენლები მონაწილეობდნენ. მაგნიცკი ბრიტანული საინვესტიციო ფონდის, „ჰერმიტიჯ კაპიტალის“ ადვოკატი იყო. 2008 წლის 24 ნოემბერს ის გადასახადებისგან თავის არიდების ბრალდებით დააკავეს. 11 თვიანი წინასწარი პატიმრობის შემდეგ, სერგეი 2009 წლის 16 ნოემბერს, მოსკოვის N1 წინასწარი დაკავების იზოლატორში, საავადმყოფოში, წამების შედეგად გარდაიცვალა.

სერგეი მაგნიცკი / ფოტო: ვიკიპედიიდან