ზოგჯერ მამაკაცის არა მხოლოდ სიტყვები, არამედ მისი ქცევაც ნიშანს გაძლევთ, რომ თქვენით დაინტერესებულია. მნიშვნელობა არ აქვს, ურთიერთობის რომელ ეტაპზე იმყოფებით, არშიყობიდან დაწყებული ქორწინებით დამთავრებული, ეს ძლივს შესამჩნევი სიგნალები დაგეხმარებათ დაინახოთ მისი გულწრფელი ინტერესი.

1. მისი სხეულის ენა იცვლება

მამაკაცი, რომელიც თქვენით დაინტერესებულია, უნებურად გიახლოვდებათ, როცა ლაპარაკობთ. შეიძლება წინ გადმოიხაროს, ახლოს დაჯდეს ან ოდნავ თქვენკენ შემოტრიალდეს. თუ შეხვედრისას ტუჩები ოდნავ გააღო, ეს ძლიერი სიგნალია, რომ მოწონხართ.

ყურადღება მიაქციეთ, ცდილობს თუ არა დაჯდეს სკამის კიდეზე, რომ თქვენთან უფრო ახლოს იყოს, თუ ცდილობს თქვენს პოზას მიბაძოს. ეს ყველაფერი ქვეცნობიერი ჟესტებია, რაც მის ინტერესზე მიუთითებს.

2. ხშირად გიყურებთ თვალებში

პირდაპირი მზერა სიმპათიის ერთ-ერთი ყველაზე საიმედო მაჩვენებელია. თუ დიდხანს თვალს არ გაშორებთ, იზიდავთ. უფრო მეტიც, კვლევა ადასტურებს: წყვილებს, რომლებიც დიდხანს ინარჩუნებენ მხედველობით კონტაქტს, ხშირად სურთ ხელახლა შეხვედრა.

თუ კაფეში ან პაემანზე მამაკაცის მზერა დაიჭირეთ, იმავეთი უპასუხეთ. ასეთი კონტაქტი ნამდვილი „კარია“ უფრო ღრმა კომუნიკაციისთვის.

3. შეუმჩნევლად გეხებათ

მსუბუქი შეხება ინტერესის გამოხატვის შესანიშნავი საშუალებაა. მამაკაცი, რომელიც ცდილობს კონტაქტის დამყარებას, შეიძლება შემთხვევით შეეხოს თქვენს მკლავს ან იდაყვს. მაშინაც კი, თუ ეს შემთხვევით გამოიყურება, სავარაუდოდ, მიზანმიმართულია ჟესტია, რომელიც მის სიმპათიაზე საუბრობს.

მაგალითად, როდესაც გეხმარებათ ბრბოში გავლაში და ამ დროს ზურგზე ხელს გადებთ, ეს ზრუნვას გამოხატავს. ასეთი ჟესტები არა მხოლოდ აძლიერებს ემოციურ კავშირს, არამედ აჩვენებს, რომ თქვენ გვერდით ყოფნა სურს.

4. თქვენს მოძრაობებს იმეორებს

თუ მამაკაცი იმეორებს თქვენს ჟესტებს, ეს მისი ინტერესის ქვეცნობიერი სიგნალია. მაგალითად, თუ თმას ისწორებთ, იგიც იმავეს იმეორებს. მსგავსი ქცევა უხილავი კავშირის შექმნაში დაგეხმარებათ.

კვლევამ აჩვენა, რომ ჟესტების და მეტყველების იმიტაცია ხელს უწყობს ადამიანებს შორის ღრმა ნდობის და სიმპათიის ჩამოყალიბებას. თუ შენიშნეთ, რომ თქვენს ქცევებს იმეორებს, გილოცავთ, თქვენს ტალღაზე მორგებულია.

5. ცდილობს თქვენთან საერთო თემები იპოვოს

მამაკაცი, რომელსაც თქვენი უკეთ გაცნობა სურს, საერთო თემის პოვნას ეცდება. გაგიზიარებთ გამოცდილებას, დაგისვამთ კითხვებს თქვენს გატაცებებზე და საერთო ინტერესების პოვნას ეცდება.

შეიძლება შემოგთავაზოთ ერთად იოგაზე წასვლა, მაშინაც კი თავს მოქნილად არ თვლის, ან დათანხმდეს თქვენი საყვარელი ფილმის ყურებას. ასეთი ძალისხმევა მიუთითებს გულწრფელ სურვილზე უკეთ გაგიცნოთ.

ასევე დაგაინტერესებთ:

უპასუხო სიყვარული: რა სარგებელი შეიძლება მოგიტანოთ?

5 ფრაზა, რომელსაც შეუძლია დაანგრიოს ყველაზე იდეალური ურთიერთობაც

ფრაზები, რომლის მოსმენაც ქალს შეყვარებულისგან არასდროს არ სურს

10 რამ, რასაც მამაკაცები ყურადღებას აქცევენ, თქვენ კი არა

14 რამ ურთიერთობაში, რაც მამაკაცმა 30 წლამდე უნდა გაიგოს