დონელის ოჯახის ისტორია შთააგონებს მილიონობით ადამიანს მთელს მსოფლიოში, რაც ამტკიცებს, რომ უბრალო ჩვევაზე უარის თქმამ შეიძლება გაახანგრძლივოს შენი სიცოცხლე და შეინარჩუნო ჯანმრთელობა.

დონელის ოჯახმა ჩრდილოეთ ირლანდიიდან ისტორია დაწერა და გახდა ყველაზე დღეგრძელი ოჯახი მსოფლიოში. 2017 წელს გინესის რეკორდების წიგნში მოხვდა 13 და-ძმა, რომელთა საერთო ასაკი 1075 წელია.(საშუალო 82 წელი)

მთავარი ფაქტორი, რომელიც აერთიანებს ამ დიდი ოჯახის წევრებს, არის ალკოჰოლისგან სრული თავშეკავება. ერთ-ერთი ძმის, ლეო დონელის თქმით, მათ ოჯახში არც ერთი მსმელი არ არის, რამაც, რა თქმა უნდა, დიდი როლი ითამაშა.

დიდი ბრიტანეთის ჯანდაცვის ეროვნული სამსახურის (NHS) ექსპერტები ადასტურებენ, რომ ალკოჰოლის მიტოვებამ შეიძლება შეამციროს მაღალი წნევის რისკი, გააუმჯობესოს ძილის ხარისხი და გაზარდოს ენერგიის დონე. ის ასევე ხელს უწყობს სისხლში შაქრის ჯანსაღი დონის შენარჩუნებას და აუმჯობესებს მნიშვნელოვანი საკვები ნივთიერებების შეწოვას.

დონელის დღეგრძელობა განპირობებულია არა მხოლოდ ალკოჰოლზე უარის თქმა, არამედ აქტიური ცხოვრების წესით. ბავშვობიდან ყველა საოჯახო მეურნეობით იყო დაკავებული, მოჰყავდათ ვაშლი და აქტიურად თამაშობდნენ გელურ ფეხბურთს.

ოჯახი იცავს მარტივ და ჯანსაღ დიეტას, მათ შორის მიირთმევს სახლში მოყვანილ ვაშლს, ფაფას და ადგილობრივ პროდუქტებს. მათ რაციონში განსაკუთრებულ როლს თამაშობს შვრიის ფაფა, რომელსაც დღეში ორჯერ მიირთმევენ.

”ჩვენ ყოველთვის მივყვებით მამაჩემის ტრადიციას, ვჭამთ შვრიის ფაფას ძილის წინ დაახლოებით საღამოს 10 საათზე და ისევ დილით საუზმეზე”, - თქვა ლეომ.
გამოცემა აღნიშნავს, რომ დონელები არა მხოლოდ დღეგრძელობის სიმბოლოდ იქცნენ, არამედ იმის მაგალითიც, თუ როგორ შეუძლია ჯანსაღი ცხოვრების წესს გავლენა იქონიოს ცხოვრების ხარისხზე. უფროსმა დამ მორინმა, რომელიც ინტერვიუს ჩაწერის დროს 93 წლის იყო, აღნიშნა: „ჩვენ ისევ ისეთივე ჯანმრთელები ვართ, როგორც 50 ან 60 წლის ასაკში ვიყავით. ჩვენ არ შევცვლილვართ, თითქოსდა ახალგაზრდობის ქვეყანაში ვცხოვრობთ“.