სხვა ანაკონდა – "სიკვდილის მანქანა", თუ შინაური ცხოველი? (+ ვიდეო) 18 აგვისტო, 9:50 მათ შეუძლიათ ჰიპნოზური მზერით მსხვერპლის პარალიზება. ისეთი მრისხანე მტაცებლებიც კი, როგორიცაა კაიმანი (ქვეწარმავალი ალიგატორისების ოჯახიდან) და იაგუარები არიან, ვერ გაურბიან მის ძლიერი "ჩახუტებას"– ეს ანაკონდას იმიჯია. მაგრამ, მართლა ისეთივე საშიშია ეს გველი, როგორც ჰოლივუდურ ფილმებშია ნაჩვენები? ანაკონდა — ორიდან, ერთ-ერთი ყველაზე დიდი გველის სახეობაა მსოფლიოში. მისი ზომა, მართლაც რომ, შთამბეჭდავია... და მიუხედავად იმისა, რომ ზოგიერთი პითონი, უფრო დიდი იზრდება, ანაკონდა მათზე ბევრად მძიმეა. მისი საშუალო სიგრძე — 6–7 მეტრია, წონა კი — 200 კგ–მდე. ანაკონდას თავდასხმისგან გადარჩენის საიდუმლო, იმაში მდგომარეობს, რომ არ მისცეთ მას, თქვენზე თავდასხმის საშუალება. ხოლო, მის ხელში ჩავარდნის შემთხვევაში, გადარჩენის შანსი, თითქმის არ არსებობს. ყოველი ამოსუნთქვისას, გველი, მსხვერპლს უფრო და უფრო კუმშავს და საბოლოოდ, დგება მომენტი, როდესაც ფილტვების გაფართოება, კიდევ ერთი ჩასუნთქვისთვის შეუძლებელი ხდება... მსგავს სიტუაციაში, გველისთვის ჭრილობის მიყენებაც გამოსავალია. მაგრამ, ეს უკვე სხვა ადამიანმა უნდა გააკეთოს, რადგან მსხვერპლს განძრევის არანაირი საშუალება არა აქვს. მაგრამ ფილმები, რომლებშიც ამ გველს, როგორც სიკვდილის ნამდვილ მანქანად წარმოაჩენენ? (მაგ. "ანაკონდა" (1997 წ.) ჯენიფერ ლოპესის მონაწილეობით) — ეს, საბედნიეროდ, მხოლოდ რეჟისორების ფანტაზიის ნაყოფია.
|
კომენტარები არ არის, დაწერეთ პირველი კომენტარი |