POSTV - ანალიტიკა აქვეყნებს ვიდეოკოლაჟს, სადაც მათი მტკიცებით, ყოველი "აღშფოთებული" მოქალაქის უკან, რომლებიც თავს ესხმიან მმართველი პარტიის დეპუტატებს ან ქართული ოცნების მხარდამჭერებს, სინამდვილეში ნაც აქტივისტები ან "ენჯეონშიკები" არიან და ეს ყველაფერი ინსცენირებული სპექტაკლია.

რამდენიმე დღის წინ საქართველოს პარლამენტის თავმჯდომარე შალვა პაპუაშვილი სოციალურ ქსელში იგივე პრობლემაზე წერდა:

"გამოცდილება გვიჩვენებს, რომ ყოველი "აღშფოთებული მოქალაქის" უკან "ნაციონალური მოძრაობის" ცუდად შენიღბული აქტივისტი დგას. ხოლო "ნაციონალური მოძრაობის" ყოველი აქტივისტის უკან - "ევროპის სახალხო პარტია".

სამწუხაროა, რომ დღეს ეს იქცა ევროპის ხელწერად საქართველოში, ” - წერს შალვა პაპუაშვილი.

შეგახსენებთ, ამ ბოლო დღეებში ბულინგი განხორციელდა პარლამენტარებზე ვიქტორ ჯაფარიძეზე, ირაკლი ზარქუაზე, ვიქტორ სოსიაშვილზე.მომღერალ ზურა ხაჩიძეზე, მუსიკოს ელისო ბოლქვაძეზე, კალათბურთელ ვიქტორ სანიკიძეზე და სხვა.