x
image
არაჩანდა
Mediator image
Mediator image
"ვითომ ევროპა უნდათ და ბოლშევიკური ფსიქოლოგიით არიან შეპყრობილი, ვითომ ადამიანის უფლებებს იცავენ და მათთვის ადამიანს ფასი არ გააჩნია"-რატი იონათამიშვილი
image24 მაისს სოციალურ ქსელში საქართველოს პარლამენტის წევრის რატი იონათამიშვილის გაშარჟებულ მემი გავრცელდა, რომელიც ბლოგერმა დათო აბზიანიძემ „ფეისბუკის“ საკუთარ გვერდზე გამოაქვეყნა.



imageაღნიშნული მემის წინა ისტორია კი ასეთია:


საქართველოს კინემატოგრაფიის ეროვნული ცენტრის „ფეისბუკგვერდზე“, კანის 77-ე კინო ფესტივალიდან ქართული დელეგაციის ფოტოები გამოქვეყნდა, სადაც კინემატოგრაფიის ეროვნული ცენტრის დირექტორის ბაჩო ოდიშარიას ცოლს მარიამ მეტრეველს, ფეხზე გახდილი ჰქონდა. ამ ქმედების გამო იგი სოციალურ ქსელში ბულინგის მსხვერპლი გახდა. საზოგადოების ნაწილმა აღნიშნული კადრი, სადაც მცირეწლოვანი ბავშვებიც ჩანან, „დაბლარვის“ გარეშე სხვადასხვა გვერდზე გამოიყენა და კრიტიკის საგნად აქცია.


image



რატი იონათამიშვილი სოციალურ ქსელში გამოეხმაურა ამ ფაქტს:

„როდესაც, გუშინ ის დისკრიმინაციული ფოტომონტაჟი ვნახე, ცხადია, არ მივაქციე ყურადღება. ახალი ჩემთვის არაფერი იყო, მაგრამ ბევრი შშმ პირი და შშმ პირის მშობელი შემეხმიანა, ვინც საკუთარ თავზე მიიღო ეს ყველაფერი, ამიტომ გადავწყვიტე საჯაროდ დავაფიქსირო ჩემი პოზიცია.

დავიწყებ იმით, რომ 1998 წლის ნოემბრის მერე ჩუსტები არც ჩამიცვამს და არც გამიხდია, მაგრამ დამჭირდა ეტლი. მხოლოდ იმისთვის, რომ დამოუკიდებელი გადაადგილება შემძლებოდა. მაშინ 19 წლის ვიყავი და ამის გაგება მარტივი არ იყო, მაგრამ ოჯახი ბავშვობიდან მასწავლიდა დამოუკიდებელ ცხოვრებას და ეს დამეხმარა. ამიტომ ჩემთვის სრულიად უცხო მდგომარეობა ტრაგედიად არ მიმიღია, პირიქით, მივიღე გამოწვევად, რომ ცხოვრების სტილის შეცვლას, ამ ცხოვრებაში ჩემი შეცვლა არ გამოეწვია. ეტლს, მხოლოდ პირველი ერთი თვე არ ვიკარებდი, თუმცა, მალევე ის ჩემი თავისუფლების მთავარ აქსესუარად იქცა.

მაშინ საზოგადოების ცნობიერება ბევრად უფრო დაბალი იყო და ჩემთვის, როგორც შშმ პირისთვის, ქუჩაში ყოველი გასვლა ბრძოლის ველზე გასვლას ჰგავდა, მაგრამ არ ვჩერდებოდი, პირიქით, ეს მხოლოდ მაძლიერებდა და ვფიქრობდი, რაც უფრო მეტ ადამიანს შევხვდებოდი ცხოვრების გზაზე, მით უფრო მეტის ცნობიერებას შევცვლიდი და გავათავისუფლებდი ცრუ-წარმოდგენებისგან.

მე, ჩემი ცხოვრების თითოეული დღე მეამაყება, რადგან ჩემი ცხოვრება სავსეა ბრძოლით, საინტერესო თავგადასავლებით, წარმატებით და გამარჯვების ისტორიებით. ბედნიერი ვარ, რომ ვარ წარმატებული ჩემს ორივე საქმეში - პარალიმპიურ მოძრაობაში და პოლიტიკაშიც; რომ ძალიან გამიმართლა ჩემს მეგობრებში, გუნდშიც და თანამებრძოლებშიც; რომ მყავს ძლიერი და სიყვარულით სავსე ოჯახი და მეუღლე, ვისაც ცხოვრებაში ყველაზე მეტად შემიძლია ვენდო და დავეყრდნო და ჩვენ ზუსტად ვიცით, რომ ყველაზე ბედნიერი დღეები კიდევ წინ გვაქვს... ეს ისე, უბრალოდ.

იმათთვის, ვისაც წარმატება ფეისბუკზე სიძულვილის ნთხევა, კლავიშების ცვეთით თითებზე მაზოლების გაჩენა, ცილისწამება, უზრდელობა და კიბერბულინგი ჰგონია. ეს არის ის უზარმაზარი სხვაობა, რაც ჩვენს შორის არსებობს.

ცხადია, ეს არც პირველი შემთხვევაა და ალბათ, არც უკანასკნელი, როდესაც არგუმენტების გარეშე დარჩენილი ოპონენტები მიმითითებენ ეტლზე და შეზღუდულ შესაძლებლობაზე, მაგრამ თუ აქამდე ვერ მიხვდა ვინმე, რომ მსგავსი საქციელი ჩემზე საერთოდ არ მოქმედებს, მათ შესახებ კი ბევრ რამეზე მეტყველებს, გააგრძელონ იგივე, ამიტომ მხოლოდ საკუთარი ზნის ლუსტრაციას, კომპლექსებს და არარეალიზებულ ყოფას წარმოაჩენენ.

ვითომ სტიგმას ებრძვიან და ამ დროს თვითონ დგანან სტიგმის მხარეს, ვითომ ევროპა უნდათ და ბოლშევიკური ფსიქოლოგიით არიან შეპყრობილი, ვითომ ადამიანის უფლებებს იცავენ და მათთვის ადამიანს ფასი არ გააჩნია.
ჩემს მეგობარ შშმ პირებს კი ვეტყვი, რომ გამოწვევები ჩვენს ცხოვრებაში არსებობს მხოლოდ იმიტომ, რომ ჩვენ მათგან გამარჯვების ისტორიები შევქმნათ. ჩვენი სამყარო ეფუძნება მრავალფეროვნების პრინციპს და იყო განსხვავებული არ ნიშნავს, რომ ხარ უცხო და უცნობი. პირიქით, ჩვენი განსხვავებულობა ამდიდრებს საერთო სიკეთეს და ჩვენ ყოველთვის შეგვიძლია ეს სამყარო შევცვალოთ უკეთესობისკენ“, - წერს რატი იონათამიშვილი.


1
474
4-ს მოსწონს
ავტორი:არაჩანდა
არაჩანდა
Mediator image
Mediator image
474
  
საოცარი ამბები ხდება,აქამდეც დაეცნენ და თავისი მორალი გამოფინეს მაქსიმალურად.ადამიანის ფიზიკურობაზე და მის შეზღუდულ უნარებზე ხაზის გასმა არის ყველაზე უზნეო საქციელი. არც კინო ცენტრის ამბავი იყო სასიამოვნო,თან თავისი უვიცობა დადგინეს ამით.არადა განათლებულ და ნაკითხ ადამიანებად მოაქვთ თავი,თუმცა არაფერი არ იციან. კანი საკურორტო ზონაა და გარდა კინო ფეხტივალის,საოცარი პლიაჟითაც გამოირჩევა და ბევრი დამსვენებელი ყავს. ამიტომაც იმ გოგონას მსგავს მდგომარეობაში საერთოდ ყოფნა საერთოდ არ არის გასაკვირი ამბავი.მით უფრო რო მსოფლიო შეთანხმდა უკვე,ვისაც როგორ უნდა ისე იცვავს,თუ განსაკუთრებული დრესკოდი არ მოითხოვება. მაგალითად,ფეხბურთის მწვრთნელების კლასიკურ ფორმაში ყოფნაც არ არის მისადაგებული ფეხბურთთან,თუმცა იტალიელი მწვრთნელების უმეტესობა ასე იცვავს,ელეგანტურობას უსვავენ ხაზს და მსგავსი სტილი აქვთ. რა შუაშია კლასიკური ტანსაცმელი და ფეხბურთი,ეს იგივეა რო პლიაჟზე შარვალ-კოსტუმით გახვიდე,თუმცა ადამიანები ამას აკეთებენ და ეს მათი საქმეა. ადამიანების ცნობირება არ უნდა იყოს ჩარჩოში ჩასმული,ის უნდა აკეთონ რაც მათ სურთ და თუ არავის აყენებენ ზიანს მით უფრო. ამ ნეონაცისტებს ის ურჩევნიათ საკუთარ თავებს მიხედონ,ჯოჯოხეთდან დეპორტირებულებს რო გვანან,თავისი ხელით რო იზღუდავენ ცხოვრებას.
0 1 1