ჩრდილოატლანტიკურმა ალიანსმა 1988 წლის შემდეგ ყველაზე ფართომასშტაბიანი სამხედრო სწავლება წამოიწყო, რომლის ფარგლებში 90 ათასი სამხედრო, 1 100 შეჯავშნული მანქანა, 50 სამხედრო ხომალდი, 90 თვითმფრინავი და შვეულმფრენი მიიღებს მონაწილეობას...

ფართომასშტაბიანი სამხედრო სწავლების Steadfast Defender 2024-ის მთავარი ჩანაფიქრი, სწავლების სცენარის მიხედვით, ნატოს აღმოსავლეთ წევრ ქვეყანას მისი უშუალო მეზობელი ესხმის თავს, რის შემდეგაც ჩრდილოატლანტიკური ალიანსის სამხედრო-პოლიტიკური ხელმძღვანელობა წევრი ქვეყნების მთავრობებთან ერთად იღებს გადაწყვეტილებას, აამოქმედოს ალიანსის წესდების მე-5 მუხლი, რომელიც კოლექტიური უსაფრთხოების მექანიზმის „ჩართვას“ ითვალისწინებს, თუკი ნატოს რომელიმე წევრ ქვეყანაზე განხორციელდება სამხედრო აგრესია...

ანუ ჩრდილოატლანტიკური ალიანსი ღიად აჩვენებს რუსეთს, რომ მას მოიაზრებს იმ მთავარ სავარაუდო მოწინააღმდეგედ, რომლისგანაც მოელის სამხედრო სახის თავდასხმებს, თავის აღმოსავლეთ ფლანგზე!

36 საათი - დაახლოებით ეს დრო სჭირდება რომ ნატომ მოასწროს დიდი დახმარების გადასროლა აღმოსავლეთით...