სტრიმინგის სერვისმა Netflix-მა გამოაქვეყნა სერიალების რეიტინგი, რომელთაც მაყურებლები ყველაზე დიდხანს უყურებდნენ. ჯერჯერობით ეს მხოლოდ 2023 წლის პირველი ნახევრის (იანვარი–ივნისი) შედეგია, მაგრამ პლატფორმა გეგმავს ასეთი სტატისტიკის რეგულარულად შედგენას.

ეს ანგარიში მნიშვნელოვანი მოვლენა გახდა, რადგან ადრე Netflix–ზე შესაძლებელი იყო მხოლოდ 10 ყველაზე ნახვადი სერიალის ყოველკვირეული რეიტინგის მონიტორინგი. ახლა ეს არის დეტალური სია, რომელიც ითვალისწინებს რამდენიმე პარამეტრს: სერიალების ხელმისაწვდომობა (მსოფლიო თუ ადგილობრივი), ჩვენების თარიღები და ნახვის საათები. ასევე მნიშვნელოვანია, რომ ყველას აქვს შესაძლებლობა ნახოს ეს ანგარიში Excel ფორმატში.

სერიალების უზარმაზარი სიიდან გთავაზობთ 13 ყველაზე პოპულარულს, მათ ყურებაში გატარებული საათების მითითებით.

მე–13 ადგილი. ციცინათელების ქუჩა, სეზონი 2

ყურების საათები: 251, 5 მილიონი

ქალების მეგობრობის ისტორია, რომელიც 40 წელია გრძელდება და სავსეა როგორც ნათელი, ასევე ბნელი მომენტებით.

მე–12 ადგილი. კალეიდოსკოპი

ყურების საათები: 252, 5 მილიონი

მინი სერიალი მზაკვარი მძარცველების შესახებ ელეგანტური ჯანკარლო ესპოსიტოს მონაწილეობით.

მე–11 ადგილი. მანიფესტი, სეზონი 4

ყურების საათები: 262.6 მილიონი

Netflix-მა დაიწყო მე-4 სეზონის პროდუსირება, რითაც დააკმაყოფილა მრავალი ფანის სურვილი ნახოს გაგრძელება NBC–ის მიერ დატოვებული კლიფჰანგერის შემდეგ.

მე-10 ადგილი. ფუბარი, სეზონი 1

ყურების საათები: 266.2 მილიონი

კომედიური ბოევიკი არნოლდ შვარცენეგერთან ერთად, რომლის გმირი პენსიაზე ვერ გადის.

მე-9 ადგილი. ჯინი და ჯორჯია, სეზონი 1

ყურების საათები: 302, 1 მილიონი

სერიალი ძალიან ახალგაზრდა დედასა და მის თინეიჯერ ქალიშვილს შორის ურთიერთობაზე გვიამბობს. სერიალის პირველი სეზონი ჯერ კიდევ 2021 წელს გამოვიდა, მაგრამ მაინც უზარმაზარ ნახვებს აგროვებს.

მე–8 ადგილი. აუთერ ბენქსი, სეზონი 3

ყურების საათები: 402, 5 მილიონი

დაკარგული განძის ძიება ყოველთვის აქტუალური და საინტერესო სიუჟეტი იქნება. ასე მოხდა ამ სერიალის შემთხვევაშიც. შეიძლება ვივარაუდოთ, რომ პოპულარობის პიკი ზაფხულში დაფიქსირდა, რადგან სიუჟეტის მიხედვით ძებნა აშშ–ს სამხრეთით მდებარე სანაპირო ქალაქში მიმდინარეობს.

მე–7 ადგილი. სამხრეთის დედოფალი, სეზონი 3

ყურების საათები: 429, 6 მილიონი

ესპანურად ცხელი კრიმინალური დრამის პირველი სეზონი 2016 წელს გამოვიდა და მისი გაგრძელება ჯერ კიდევ არ უშვებს მაყურებელს ეკრანიდან.

მე–6 ადგილი. შენ, სეზონი 4

ყურების საათები: 440, 6 მილიონი

ფსიქოლოგიური თრილერი, რომელმაც მე–4 სეზონისთვის მოახერხა ფანების ბაზის მოპოვება. ალბათ, სწორედ იმის გამო, რომ პირველი სეზონის (2018) შემდეგ შეცვალა სტრიმინგის სერვისი და გადავიდა Netflix-ზე.

მე–5 ადგილი. დედოფალი შარლოტა: ბრიჯერტონის ამბავი

ყურების საათები: 503 მილიონი

მინი სერიალი ხუთ ყველაზე ნახვად სერიალქში მოხვდა. ეს გასაკვირი არ არის, რადგან პოპულარული სერიალის "ბრიჯერტონის" (2020-...) სპინ-ოფია.

მე–4 ადგილი. უენსდეი, სეზონი 1

ყურების საათები: 507, 7 მილიონი

სერიალი 2022 წელს გამოვიდა, მაგრამ ჯერ კიდევ პოპულარულთა შორისაა.

მე–3 ადგილი. ტრიუმფი, სეზონი 1

ყურების საათები: 622, 8 მილიონი

2022 წლის კორეული სერიალი, რომელმაც მნიშვნელოვნად გადააჭარბა უენსდეის ყურების საათებით.

მე-2 ადგილი. ჯინი და ჯორჯია, სეზონი 2

ყურების საათები: 665, 1 მილიონი

სერიალის მეორე სეზონი ხელმისაწვდომი გახდა 2023 წლის იანვარში და კიდევ უფრო პოპულარული გახდა, ვიდრე პირველი, რაც მიუთითებს მაყურებლის სურვილზე, თვალი ადევნონ დედისა და ქალიშვილის ისტორიას.

1–ელი ადგილი. ღამის აგენტი, სეზონი 1

ყურების საათი: 812, 1 მილიონი

ბოევიკი დეტექტივის ელემენტებით FBI-ს აგენტზე, რომელიც აღმოჩნდა შეთქმულების ეპიცენტრში, გახდა ყველაზე ნახვადი სერიალი Netflix-ზე 2023 წლის პირველ ნახევარში.

ასევე დაგაინტერესებთ:

1. 15 საუკეთესო დასრულებული სერიალი IGN-ის მიხედვით, სადაც ბევრი სიურპრიზია

2. 10 ფილმი ნამდვილ მეცნიერებზე, რომლებმაც სამყარო შეცვალეს

3. სტივენ კინგმა დაასახელა თავისი საყვარელი სერიალი და ის ჰორორის ჟანრში არაა

4. 16 მტკიცებულება, რომ "მეფე ლომი" იაპონური ანიმეს პლაგიატია

5. ჟურნალმა Time 10 საუკეთესო სერიალი შეარჩია

6. ყველაზე საინტერესო თურქული სერიალები, რომელთა ყურებისას დრო შეუმჩნევლად გაფრინდება

7. 14 ფილმი, რომელთა შექმნისთვის ფული დაზოგეს, მაგრამ მათ ნამდვილი ფურორი მოახდინეს

8. 10 შესანიშნავი ფილმი, რომელიც შექსპირის ფარული ეკრანიზაციაა და ბევრმა ამის შესახებ არ იცის

9. ევროპული ფილმები სიყვარულზე, რომელიც შეიძლება გამოგრჩენოდათ და ბევრი დაკარგეთ

10. 12 ფილმი, რომელთა შემქმნელები დროს არ წელავენ და ყველაფერს აჩვენებენ 90 წუთში ან ნაკლებ დროში