როგორ დავიცვათ სახლი ქურდებისა და მძარცველებისგან, თუკი არ შეგვიძლია ძვირადღირებული უსაფრთხოების განგაშის სისტემების შეძენა. ე

11. დამალეთ ძვირფასი ნივთები, სანამ უცხო პირები თქვენს სახლში არიან

სანამ სანტექნიკოსი რაღაცას ასწორებს თქვენი ნიჟარის ქვეშ, მათ აქვთ საკმარისი დრო დაათვალიერონ გარშემო. ისინი შეიძლება აღმოჩნდნენ ცუდი ადამიანები, რომლებიც ინფორმაციას გადასცემენ თავიანთ თანამზრახველებს. მათ ასევე შეუძლიათ მოიპარონ თქვენი ჩანთა, ან მაგიდაზე დადებული საყურეები. რა თქმა უნდა, ეს არ ნიშნავს, რომ ყველა სანტექნიკოსი და სხვა მუშა არის ქურდი, მაგრამ ყოველთვის ფრთხილად უნდა იყოთ. უმჯობესია გაეცნოთ კომპანიის მიმოხილვებს ელექტრიკოსთან, ან სანტექნიკოსთან დარეკვამდე.

10. ქურდს არ მისცეთ საშუალება გაიგოს თქვენი სატელეფონო ზარი

ზოგიერთი ქურდი ტელეფონის ხრიკს იყენებს და რეკავს სახლის ტელეფონზე, რათა დაადგინოს არის თუ არა სახლში ვინმე. უმჯობესია თუ ტელეფონის რეკვის ხმას შეამცირებთ, ან ვიბრაციაზე გექნებათ, ამით პოტენციურ მძარცველს გზას აუბნევთ.

9. დააინსტალირეთ საიმედო საკეტი

ცილინდრიანი გასაღებთან ერთად რეკომენდებულია კარს ჰქონდეს ბერკეტიანი საკეტი. ამით უფრო ამცირებთ ქურდის მიერ კარის გაღების რისკებს.

8. დაიცავით ფანჯრები

სახლში შეპარვის კიდევ ერთი პოპულარული გზაა ფანჯარა. ამიტომ რეკომენდირებულია გისოსების დაყენება, თუ პირველ, ან მეორე სართულზე ცხოვრობთ. თუმცა არ დაგავიწყდეთ, რომ საგანგებო სიტუაციის შემთხვევისთვის გისოსებს თან გაუკეთოთ გაღების ფუნქციაც.

7. გამოიყენეთ ქურდების შიში მათ წინააღმდეგ

ნიშანი "დაცული ობიექტი" ქურდებს აიძულებს ორჯერ დაფიქრდნენ, სანამ შეიჭრებიან სხვის სახლში.

6. ძვირფასი ნივთების ყუთები სწორად გადაყარეთ

თუ თქვენ გადააგდებთ ახალი ძვირადღირებული ნივთის ყუთებს, თქვენ მიიზიდავთ პოტენციურ მძარცველებს, რომლებსაც შეუძლიათ თქვენი ახალი ნივთის მოპარვა. პრობლემების თავიდან ასაცილებლად, ყუთი დააქუცმაცეთ და ისე გადააგდეთ.

5. ვითო-ვითომ

თუკი სახლიდან გამოსვლისას ქუჩაში საეჭვო ადამიანები შეამჩნიეთ და ფიქრობთ, რომ ისინი შეიძლება თქვენს წასვლას ელოდებოდნენ შებრუნდით უკან და ხელი დაიქნიეთ ისე თითქოს ვიღაც სახლში დარჩა და ემშვიდობებით. ეს აუცილებლად დააფიქრებს მათ განზრახვაზე.

4. შეამოწმეთ თქვენი საკეტები

თუ საკეტზე ნაკაწრები შენიშნეთ, ეს ნიშნავს, რომ ქურდები ცდილობდნენ მის გახსნას. ასე რომ, სანამ კარს გააღებთ და სახლში შეხვალთ, შეამოწმეთ საკეტი, რათა გქონდეთ საშუალება სასწრაფოდ რეაგირება მოახდინოთ საგანგებო სიტუაციის შემთხვევაში.

3. დატოვეთ ფარდები ნახევრად გადაწეული

თუ ფანჯრებზე ზედიზედ რამდენიმე დღის განმავლობაში ფარდებია დაშვებული, ეს შეიძლება მიუთითებდეს იმაზე, რომ სახლში არავინაა. ამიტომ როცა ტოვებთ სახლს, მთლიანად ნუ ჩამოაფარებთ ფარდებს, რათა შექმნათ ილუზია, რომ სახლში ხართ.

2. განათავსეთ ეკლიანი მცენარეები ფანჯრის, ან ღობის წინ

ჩვეულებრივი ღობე ბარიერად რომ გადააქციოთ, დარგეთ ვარდი ან სხვა ეკლიანი მცენარე, რომელიც ქურდების მისიას ნამდვილად რთულს გახდის.

1. არ გადასცეთ ინფორმაცია ტელეფონით

ფრთხილად უნდა იყოთ სატელეფონო ზარებთან, კომუნალური მომსახურების უცნაური კომპანიებისგანთან, რომლებიც გირეკავენ და გისვამენ კითხვებს სამუშაო ადგილისა და საათების, ან თქვენთან ერთად მცხოვრები ადამიანების შესახებ. ეს არის ერთ-ერთი მეთოდი, რომელსაც ქურდები იყენებენ ქონების ისტორიის გასარკვევად და ყველაზე შესაფერისი დროის გასარკვევად.

წყარო: brightside.me