ბევრ ჩვენგანს წინდების ჩაცმა და დაწოლა არ შეუძლია, რადგან ეს მარტივი ნივთი ხელს გვიშლის. აი, ექიმები გვირჩევენ, საკუთარი თავი გადავლახოთ და წინდებში ძილი სასარგებლო ჩვევად ვაქციოთ. რატომ სასარგებლო? ყველაფერი მარტივია. მკვლევარებს 5 მაგალითი მოჰყავთ, რა დადებით ზემოქმედებას ახდენს წინდებში ძილი ჩვენს ორგანიზმზე.

1. წინდები გვეხმარება სწრაფად დაძინებაში

ამერიკის ძილის ფონდის ექსპერტები ამბობენ, რომ გამთბარი ფეხები ტვინს ძილის სიგნალს აძლევს. ეს არ არის უსაფუძვლო ვარაუდი, რადგან 2007 წელს ამ თემაზე სერიოზული კვლევა ჩატარდა. ექსპერიმენტის მონაწილეები ორ ჯგუფში გაანაწილეს. ერთი ჯგუფი დაწოლამდე წინდებს იცვამდა, მეორე წინდის გარეშე იძინებდა. მოხალისეები წინდებში არა მხოლოდ სწრაფად იძინებდნენ, არამედ ფეხშიშველა კოლეგებთან შედარებით უფრო ღრმად ეძინათ.

2. წინდები ღამით სიცხეს და სიცივეს მოგაშორებთ

თუ ღამით გაწუხებთ სიცხის ან, პირიქით, სიცივის შეტევა, წინდები საწოლში თქვენი მუდმივი თანამგზავრი უნდა იყოს. როცა ფეხები გათბება, სისხლძარღვები გაფართოვდება და კიდურებში სისხლის მიმოქცევა გაუმჯობესდება. ეს ხელს შეუწყობს სხეულის საერთო ტემპერატურის დარეგულირებას და უსიამოვნო ღამის შეტევების გაქრობას, რაც კარგად გამოძინებაში ხელს გიშლით.

3. წინდები ფეხის კანის დაცვაში გეხმარებათ

თუ თქვენი ტერფის კანი მუდმივად შრება და სკდება, ნიშანია, რომ ძილის დროს წინდები ჩაიცვათ. საწოლში დაწოლამდე ფეხებზე კრემი ან სპეციალური ლოსიონი წაისვით, შემდეგ სუფთა ბამბის წინდა ჩაიცვით. პირველივე პროცედურის შემდეგ დარწმუნდებით, რომ დრო ტყუილად არ დაკარგეთ.

4. წინდები გაალამაზებს თქვენს სექსუალურ ცხოვრებას

ბევრს უცნაურად და სასაცილოდ მოეჩვენება, მაგრამ სექსოლოგები ამტკიცებენ, რომ სექსუალური კონტაქტისას თბილი ფეხები ქალს ძლიერი ორგაზმის მიღებაში ეხმარება. ამ თემაზე კვლევა 2005 წელს გრონინგერის უნივერსიტეტში (ნიდერლანდები) ჩაატარეს. მეცნიერებმა მოხალისე ქალები ორ ჯგუფში გაანაწილეს, ერთ ჯგუფს სექსუალური კონტაქტისას წინდები ეცვა, მეორე ჯგუფს – არა. ქალების 80 % პირველი ჯგუფიდან აღნიშნავს, რომ ჩვეულებრივზე ძლიერი ორგაზმი ჰქონდათ.

5. წინდები განწყობას აგიმაღლებთ

ძილის დროს წინდების ჩაცმას გვირჩევენ ჩინური მედიცინის მიმდევრებიც, რომელთა რეცეპტებიც მეცნიერულად ყოველთვის დასაბუთებული არაა, მაგრამ ათასწლიანი პრაქტიკით დადასტურებულია. აზიელი მკურნალები თვლიან, რომ სიცივე ადამიანს ართმევს სასიცოცხლო ძალას, ხოლო თბილი წინდები, პირიქით, ადამიანს მაცოცხლებელი ენერგიით კვებავს.

წინდებში ძილის ხელოვნების დახვეწილობა

აღსანიშნავია, რომ ჯანსაღი ძილისთვის და დაუვიწყარი სექსუალური ურთიერთობისთვის ნებისმიერი წინდა არ გამოგადგებათ. თავი აარიდეთ ძალიან სქელ და სინთეტიკურ მასალებს. არ გამოიყენოთ ვიწრო მოდელები, რომელიც სისხლის მიმოქცევას ართულებს. საუკეთესო ვარიანტია თხელი ბამბის წინდა, რომელიც შუა კოჭამდე აღწევს.

თუ ძილის დროს წინდების ჩაცმა გადაწყვიტეთ, უარი თქვით დამატებით გამათბობელ მოწყობილობებზე, როგორიცაა სათბურა და ელექტოსაბანი. არ დაგავიწყდეთ, რომ წინდები ყოველდღე უნდა შეცვალოთ, თუნდაც თქვენს თვალში სუფთა იყოს. უმჯობესია, თუ ძილისთვის ცალკე ნაკრებს შეიძენთ, რომელსაც მხოლოდ საწოლში გამოიყენებთ. წინდები შხაპის მიღების შემდეგ ჩაიცვით, მაგრამ მხოლოდ ფეხების კარგად გამშრალების შემდეგ.

თუ წინდების ჩაცმის იდეას ვერ ეგუებით, ფეხების სხვა მეთოდით გათბობა სცადეთ. ძილის წინ ფეხებთან სათბურა ან თბილი წყლით სავსე ბოთლი დაიდეთ. შეგიძლიათ დაიფაროთ ორი საბანი, მათგან ერთი მოიშორეთ, როცა იგრძნობთ, რომ ძილისკენ მიდიხართ.

ასევე დაგაინტერესებთ:

1. თუ ღამე ამ დროს გეღვიძებათ, შეიძლება პრობლემები გქონდეთ, ეს სერიოზულია!

2. სისხლის ცუდი ცირკულაციის 5 ნიშანი - ყურადღება მიაქციეთ

3. იცით თუ არა, რომ ჭამის შემდეგ ძილიანობა ჯანმრთელობის სერიოზული პრობლემის ნიშანია?

4. მელატონინი - ხანგრძლივი ცხოვრების მიზეზი. როგორ გავზარდოთ მისი დონე

5. ცივი ფეხები, უძილობა და სწრაფი კვების პროდუქტები: იმუნიტეტის 6 მთავარი მტერი

6. რომელ საათზე უნდა დაწვეთ, რომ დილით თავი მხნედ იგრძნოთ

7. 5 მიზეზი, რატომ არ შეიძლება ჩართულ ტელევიზორთან ჩაძინება

8. შეამოწმეთ გულ-სისხლძარღვთა სისტემის მუშაობა, უბრალოდ ხელი ყინულიან წყალში ჩადეთ

9. თუ სწრაფად დამშვიდება გსურთ, სახე ან ზურგი დაინამეთ: ფსიქოლოგის რჩევები

10. რატომ გვესიზმრება გარდაცვლილები

უფრო მეტი იხილეთ აქ: Yoona-ს არხი