"გუშინ ბატონმა მიხამ განაცხადა საკუთარი პირით, პირადი გრძნობების გარეშე ერთი დღეს არ მაცოცხლოს ღმერთმაო!

მეო, ამ წუთას ისევ სანდრა მიყვარსო... გუშინ სოფო მიყვარდაო... გუშინწინ ლიზა მიყვარდაო... ადრე გაგლოევა მიყვარდაო... მერე კოხტაპრუწაანთ ქეთო მიყვარდაო... ავლაბრი კაფეში ერთი მამტანი გავიცან, სომეხი სუსანა, ისიც მიყვარდაო... “დაჟე'', რამდენი ქალიც ლაჯებზე ამიხევნია, ყველა მიყვარდა, ზოგს სახლსა ვჩუქნიდი, ზოგს მანქანას, ზოგს კიდე ფულსაო... მა როგო გინდათ, მა სხვანაირად როგო იქნება, პატრიოტიზმით გამსჭვალული ჩემი გული ყველას იტევსო!

ბატონმა მიხამ კარგახნის ფიქრის, განსჯისა და თანაშემწე სოფიკოსთან შეთანხმებით მიიღო გადაწყვეტილება, შეადგინოს გრაფიკი და ყოველდღიურად თავის მორიგ შეყვარებულს გაუგზავნოს ოვალური გოგრა და იმავე დღეს გადაურეკოს ქალაქის ტელეფონით: ალიო... 3-20-ია? აააააახხხყ... სიჩუმეზე გიცან, გოოოო!

თანაშემწე სოფიკომ შინაურობაში განაცხადა, რომე... ისაო, პრეზიდენტის მიმართვას ჩავწერთ და მერე “სპისოკის'' მიხედვით გავუშვებთო... ბავშვიანების “სპისოკი'' ცალკე იქნება, უბავშვოებისა ცალკე, ლაჯებზე ახეულებისა ცალკე, თეძოებჩალურჯებულებისა ცალკე, ნამინისტრალებისა ცალკე და ასე შემდეგ... სხვათა შორის, “სპისოკი'' ძაან გრძელი გამოიდა, ალბათ ოვალური გოგრები ერთ წელიწადზე გადანაწილდებაო.

ჰო, კიდე ისა... ვინაიდან პრეზიდენტი დემენციით იყო დაავადებული და ეს ესაა განიკურნა, ყველა სიყვარულს მაინც ვერ იხსენებს, თუ ვინმე “სპისოკში'' ვერ მოხვდება, ვთხოვთ, შეგვეხმიანოსო.

ალიო... 3-20-ია?"-წერს გელა ზედელაშვილი.

"სანდრა არის ყველზე კეთილშობილი და გონიერი ადამიანი, რომელთანაც შეხვედრის უდიდესი ბედნიერება მხვდა წილად. ძალიან ბევრ რამეს, რასაც მივაღწიე მას უნდა ვუმადლოდე. ჩვენ გავზარდეთ ორი ერთმანეთზე უკეთესი, საქართველოს პატრიოტი შვილი. სანდრა რჩება ჩემი ცხოვრების მთავარ სიყვარულად, ვინაიდან ეს იყო ძალიან დიდი სიყვარულის ისტორია და ჩემი პიროვნების უმნიშვნელოვანეს ნაწილად.

ძალიან განვიცდი ყველა იმ მომენტს, როცა მას გული ვატკინე. მომავალში ყველაფერს გავაკეთებ, რათა მას, ედუარდს და ნიკოლოზს გვერდით დავუდგე, ” – წერს მიხეილ სააკაშვილი.

მანამდე სანდრა რულოვსმა კლინიკა „ვივამედში“ მიხეილ სააკაშვილი მოინახულა. ამის შესახებ მან სოციალურ ქსელ „ფეისბუქის“ გვერდზე დაწერა.

„ორი წელიწადი დამჭირდა მანამ, სანამ ფსიქოლოგიურად შემეძლო მიშას მონახულება. დღეს შედგა ჩვენი ხანგრძლივი შეხვედრა და გულწრფელი საუბარი. ვუსურვებ მას თავისუფლებას, ჯანმრთელობას და ბედნიერებას. ჩვენ ერთად აღარ ვართ“, – წერდა სანდრა რულოვსი