მომღერალი - თემურ თათარაშვილი სოციალურ ქსელში პოსტს აქვეყნებს და წერს, რომ უცნობმა ქალმა "ფეისბუკზე" სალანძღავი ტექსტი მიწერა. მისი თქმით, შეურაცხყოფა პოლიტიკური არჩევანიდან გამომდინარე მიიღო:

„ერთმა ბანძმა ნაქალარმა მომწერა, სასტუმროდან იმიტომ წავედი რომ შენ უნდა ჩამოსულიყავი აქო. აი, რით განსხვავდება ქოცი ნაცისგან. ასეთ სი@ობას ქოცი არასოდეს ეტყვის ნაც მომღერალს. მოგ@@@ნთ არასწორი სექტა“, - წერს სოციალურ ქსელში მომღერალი.

თემურ თათარაშვილის კარიერა დიდ სცენაზე იწყება ანსამბლ "75"–ში; 1986–1996 წლებში გამოდიდოა ანსამბლ "ივერიაში"; 1996 წლიდან გამოდის როგორც სოლო შემსრულებელი. აქვს ლამაზი ხმა, შესრულების საკუთარი დახვეწილი სტილი. ერთნაირი წარმატებით ასრულებს ქართულ ლირიკულ სიმღერებს, აგრეთვე რუს კომპოზიტორთა ნაწარმოებებს. "იურმალა 89"-ის ლაურეატი (1989).

2006 წელს ის ნარკოტიკების შენახვა-მოხმარების ბრალდებით დააკავეს და 10 წელი. მართალია, ციხეში მხოლოდ წელიწადზე ცოტა მეტი გაატარა, მაგრამ პატიმრობამ მის ცხოვრებას მძიმე დაღი დაასვა.ასე იხსენებს "ახალ თაობასთან" ინტერვიუში თათარაშვილი დაკავების ეპიზოდს:

– 2006 წლის 25 სექტემბერი იყო, ყურძენს წურავდნენ. პრეზიდენტის კანცელარიიდან დამირეკეს, რომ პროტოკოლში ვიყავი და ოლიმპიელებთან და პრეზიდენტ სააკაშვილთან ერთად ყურძენი უნდა დამეწურა. ვუპასუხე, პრეზიდენტის გვერდით არ დავდგები-მეთქი. ოღონდ ეს ყველაფერი ცუდი სიტყვებით ვთქვი.

3 საათზე ყურძნის დაწურვაზე არ მივედი, 4-ს აკლდა 15 წუთი, რომ 9 მანქანამ გზა გადამიკეტა და დამიჭირეს.

— ანუ დაისაჯეთ…

– დიახ. შვილიშვილებს ვფიცავარ, იმ მომენტში ჯიბეში არაფერი მდებია. ვინც ცოტა ნორმალურად აზროვნებს, მათ გასაგონად ვამბობ: პრეზიდენტის პროტოკოლში მოხვდებოდა ადამიანი, რომლის დაჭერასაც იმ დღეს გეგმავდნენ?

მაშინ ერთ-ერთმა ოლიგარქმა ჩემს მეუღლეს დაურეკა, გამიგე, მის გასათავისუფლებლად რა თანხას ითხოვენ და მე გადავიხდიო. ეგონა, უბრალოდ წამალზე ვიყავი დაკავებული. ადვოკატმა მითხრა, მილიონიც რომ გადაიხადო, არ გაგათავისუფლებენ იმიტომ, რომ გენერალურ პროკურორს მაგიდაზე ჩანაწერი უდევს, პრეზიდენტს როგორ შეაგინეო.

ეს იყო ჩემი დაჭერის მიზეზი, თორემ მე რომ “ვკაიფობდი”, მთელმა საქართველომ, მთელმა მთავრობამ იცოდა. ამით ჩემს თავს ვუკეთებდი ცუდს და არა სხვებს. 10 წელი მქონდა მისჯილი, მაგრამ 16 თვე მოვიხადე.

2007 წლის ნოემბრის მოვლენების დროს სააკაშვილმა მომღერლები დაიბარა, უთხრა, გვერდში რატომ არ მიდგახართო. რამდენიმემ უპასუხა, თემური გააათავისუფლეთ და გვერდში დაგიდგებითო. ჰოდა, გამათავისუფლეს."