დღეს, 28 აპრილს საქართველოს პარლამენტის თავდაცვისა და უშიშროების კომიტეტის სხდომაზე კომიტეტის თავმჯდომარის ირაკლი ბერაიას მოადგილედ თენგიზ შარმანაშვილი აირჩიეს.

თენგიზ შარმანაშვილი

ფოტო: საქართველოს პარლამენტი

ირაკლი ბერაია

ფოტო: საქართველოს პარლამენტი

საქართველოს პარლამენტის ვებ-გვერზე არსებული ბიოგრაფიის თანახმად, თენგიზ შარმანაშვილი პარლამენტის წევრი იყო ჯერ კიდევ ედუარდ შევარდნაძის პრეზიდენტობის დროს, 1995-1999 წლებში, ედპ-ს პარტიული სიიდან.

ამჟამად ის პარლამენტში იმყოფება "ქართული ოცნება -დემოკრატიული საქართველოდან".

სხვადასხვა დროს მუშაობდა საქართველოს უზენაეს სასამართლოში, იუსტიციის უმაღლეს საბჭოში, თბილისის საოლქო სასამართლოს მოსამართლედ, ცესკოში, UNDP-ს პროექტებში, 2011-2016 წლებში იყო სომხეთის სრულუფლებიანი ელჩი.

განათლება მიღებული აქვს კავკასიის ენების და სამართალმცოდნეობის სპეციალობით.