"ანტისაოკუპაციო მოძრაობის" წევრი დავით ქაცარავა აგვისტოს ომის 15 წლისთავს ეხმიანება და აღნიშნავს, რომ ეს ომი არც შეჩერებულა.

"ომი საქართველოს და რუსეთს შორის ორ საუკუნეზე მეტ ხანს მიმდინარეობს.

2008 წლის 7 აგვისტოს ამ ომის მორიგი ბრძოლა გაიმართა.

ეს ომი 2008 წლის 12 აგვისტოს მერეც გაგრძელდა.

ის ამ ბოლო 15 წლის განმავლობაში ერთი დღითაც არ შეჩერებულა.

შეხსენებისთვის:

2008-2022 წლების განმავლობაში რუსმა ოკუპანტებმა ცხინვალის რეგიონის მიმდებარედ 1450, ხოლო აფხაზეთში 1982 მოქალაქე გაიტაცეს.

ჯამში, 3432 საქართველოს მოქალაქე იქნა გატაცებული, ხოლო 4 სადისტურად მოკლული.

თქვენთვის დამთავრდა ომი?

ჩემთვის არა." - წერს დავით ქაცარავა და რუსების მიერ გატაცებულთა და მოკლულთა სტატისტიკას ურთავს თან.