ხვალ კი ნაკურთხი წმ. ცეცხლის ქრისტეს აკლდამიდან გამოტანის ტრადიციული წესი შესრულდება იერუსალიმში და გვახსოვდეს, რომ ესაა ჩვეულებრივი სიმბოლური სახისმეტყველებითი რიტუალი, წესი იერუსალიმური ტიპიკონური ღვთისმსახურებისა და არავითარი სასწაული მასში არაა, თავად იერუსალიმის საპატრიარქოს ეპისკოპოსთა აღიარების მიხედვით! მათი ინტერვიუები ადრეც დავდე და ახლაც დავდებ კომენტარებში მათ ლინკებს."-წერს დეკანოზი ილია ჭიღლაძე.

შეგახსნებთ, რომ წმინდა ცეცხლი ყოველწლიურად იერუსალიმში მაცხოვრის საფლავის ტაძრის კუვუკლიიდან, დიდ შაბათს, მართლმადიდებლური აღდგომის წინადღეს გამოაქვთ. კუვუკლიიდან ცეცხლის გამოტანა სიმბოლურად გამოსახავს საფლავიდან გადმოსულ „ნათელ ჭეშმარიტს“, ესე იგი იესო ქრისტეს აღდგომას.

წმინდა ცეცხლი სპეციალური ავიარეისებით ყოველწლიურად ჩამოაქვთ ძირითად ან ნაწილობრივ მართლმადიდებელ ქვეყნებში:საქართველოში, რუსეთში, უკრაინაში, ბელარუსში, საბერძნეთში, რუმინეთში, ბულგარეთში, პოლონეთში, სერბეთში, მონტენეგროში, მოლდოვაში, კვიპროსში, ყაზახეთში, სირიაში, ლიბანში, იორდანიაში და თაყვანს სცემენ სახელმწიფო და საეკლესიო მეთაურები

პირველი ცნობები პირველი ცნობები ზეციური ცეცხლის გარდამოსვლის შესახებ V-VI საუკუნეების წყაროები იუწყებიან.(დიდი შაბათი საღამოს წირვა სანთლების დანთებით იწყებოდა)თუმცა უფლის საფლავზე ზეციური ნათელის სასწაულზე პირველად ლათინი მომლოცველი ბერი ბერნარდი 867 წელს მოგვითხრობს."დიდ შაბათს, აღდგომის წინა დღეს, უფალი ჩვენი იესო ქრისტეს საფლავზე დილის ლოცვის ჟამს...