ნასა აქტიურად აკვირდება უცნაურ ანომალიას, რომელიც დედამიწის მაგნიტურ ველში გაჩნდა. სამხრეთ ამერიკასა და სამხრეთ-დასავლეთ აფრიკას შორის, მეცნიერებმა დააფიქსირეს გიგანტური ტერიტორია დაბალი მაგნიტური ინტენსივობით. ამის შესახებ Science Alert წერს.

ამ ფენომენს ეწოდა სამხრეთ ატლანტიკური ანომალია და ეს ფაქტი წლების განმავლობაში აშფოთებს მეცნიერებს. ის შეადარეს დედამიწს მაგნიტურ ველში არსებულ „ჩაღმავებას" ან ე.წ. „ხვრელს კოსმოსურ სივრცეში“. სამხრეთ ატლანტიკური ანომალია არანაირად არ მოქმედებს დედამიწაზე არსებულ სიცოცხლეზე, რაც არ შეიძლება ითქვას ორბიტალურ ანომალიაზე. როდესაც კოსმოსური ხომალდი მასში გადის, მათი საბორტო ტექნოლოგიური სისტემები შეიძლება ჩავარდეს, თუ ისინი მზისგან წარმოქმნილ მაღალი ენერგიის პროტონებს შეეჯახებიან.

ამრიგად, გლობალური ჩავარდნები შეიცავს მონაცემთა დაკარგვის რისკს, ამის გამო სატელიტური ოპერატორები თიშავენ გემის სისტემებს მანამ, სანამ ის არ შევა ანომალიის ზონაში. ამ საშიშროების შესამცირებლად, ნასა აკონტროლებს ანომალიას.

შეგახსენებთ, რომ 2016 წელს ნასას ჰელიოფიზიკოსმა ეშლი გრილიმ აღმოაჩინა, რომ ანომალია ნელ-ნელა მოძრაობდა ჩრდილო-დასავლეთის მიმართულებით. 2020 წელს კი მეცნიერებმა აღმოაჩინეს, რომ სამხრეთ ატლანტიკური ანომალია ორ ნაწილად გაყოფის პროცესშია, თითოეული წარმოადგენს მინიმალური მაგნიტური ინტენსივობის ცალკეულ ცენტრს უფრო დიდ ანომალიაში.