გაგაცნობთ ცნობილ ქართველ ქალბატონებს, რომლებმაც მეუღლეებად უცხოელი მამაკაცები აირჩიეს.

ქეთა თოფურია - ქეთა თოფურია 2005 წლიდან რუსეთში მოღვაწეობს. ამიტომ ალბათ მისი უცხოელთან ქორწინებაც არავის გაკვირვებია. ქეთა ბიზნესმენ ლევ გეიხმანზე იყო დაქორწინებული და მასთან 1 შვილი ჰყავს. ამჟამად დაქორწინებულია რუს-ბელორუს ბიზნესმენ ლენ დენგოვზე, რომელთანაც ასევე 1 საერთო შვილი ჰყავს.

თაკო გაჩეჩილაძე - მისი რჩეული ბულგარელი მუსიკოსი ბორისლავ მილანოვია. წყვილი ვენაში ცხოვრობს და ორი შვილი ჰყავთ.

ნუკი კოშკელიშვილი - ის დაქორწინებულია ამერიკელ ექიმზე ბენ ჩეიმზე. ერთმანეთი ინტერნეტით გაიცნეს, მოგვიანებით ნუკი ნიუ-იორკში გადავიდა საცხოვრებლად. წყვილს უკვე შვილიც ჰყავთ.

ქეთი მელუა - ბრიტანეთში მოღვაწე ქართველი მომღერალია, რომელიც 2012 წელს ცოლად გაჰყვა ინგლისელ ყოფილ მოტომრბოლელ და ამჟამად მომღერალსა და მუსიკოს James Toseland-ს, რომელსაც 2019 წელს დაშორდა. მისი ახალი რჩეულიც ასევე ბრიტანელია, რომელთანაც უკვე შვილიც ჰყავს.

ნინო მაჩაიძე - ცნობილი ქართველი სოპრანო ცხოვრობს და მოღვაწეობს მილანში. დაქორწინებულია ბარიტონ Guido Loconsolo-ზე.