საგარეჯოში მცხოვრები ერთ-ერთი ადგილობრივი ქალბატონი თავდამსხმლის, ნოდარ ათუაშვილის შესახებ საუბრობს და ამბობს, რომ კაცს კარგი ურთიერთობა არც ცოლ-შვილთან ჰქონია.

"თავიდანვე არასერიოზულ საქციელებს სჩადიოდა. ცოლ-შვილთან არ ჰქონდა კარგი ურთიერთობა, ცოლს ძალიან ამწარებდა და ბევრჯერ ვარ ამათი შემთხვევის მოწმე და გამშველებელი. გაშველების დროს ძალიან ბევრჯერ დამმუქრებია მეც თოფით. ჯანმრთელი და ნორმალური ადამიანი, მეუღლეს ასე არ სცემს და ასე სადისტურად არ მოექცევა. საწყალ გოგოს ეშინოდა სიკვდილის და ყველაფერს მალავდა“, - ამბობს ქალბატონი „ტვ პირველთან“ საუბარში.

ასევე .ერთ-ერთი ახლობლის თქმით, ნოდარ ათუაშვილს ბავშვობიდანვე უცნაურობები ახასიათებდა:

"ბავშვობიდან რაღაცები ახასიათებდა, მარტო გამარჯობას იძახდა და გარეთ არ გამოდიოდა. არავისთან ურთიერთობა არ ჰქონდა"-ამბობს ის.

მეზობლები ასევე შვილის ინფორმაციაზე დაყრდნობით ვარაუდობენ, რომ მამაკაცს წინასწარ ჰქონდა ყველაფერი განზრახული და მას ჯანმრთელობის სერიოზული პრობლემები ჰქონდა. თავად თავდამსხმელმა თავი მოიკლა. ახლა კითხვაზე პასუხებს პოლიცია ყოფილი სამხედროს შვილისგან ელოდება, რომელიც ოქროს მოწმეა.

თავდამსხმელი, რომელმაც საგარეჯოში, საკუთარი საცხოვრებელი სახლიდან ავტომატური ცეცხლსასროლი იარაღით სისხლიანი სასაკლაო მოაწყო, რის შედეგადაც გარდაიცვალა 5 ადამიანი, 5 კი დაჭრა, 49 წლის ნოდარ ათუაშვილია. ათუაშვილი თავდაცვის სამინისტროში, 2006 წლიდან/2021 წლამდე მსახურობდა, იგი ავღანეთის მისიაშიც მონაწილეობდა.