უზბეკეთში, სამარყანდის საავადმყოფოში 18 ბავშვის გარდაცვალების შემდეგ სისხლის სამართლის საქმე აღიძრა.

როგორც უზბეკეთის სახელმწიფო უსაფრთხოების სამსახური იტყობინება, მწვავე რესპირატორული ვირუსული ინფექციების სამკურნალო პრეპარატმა Doc-1 Max სიროფმა ფატალური შედეგი გამოიწვია.

პრეპარატში, რომელიც წარმოებულია Marion Biotech Pvt. Ltd" (ინდოეთი), გამოვლინდა ტოქსიკური ნივთიერება - ეთილენგლიკოლი. მისმა გამოყენებამ შეიძლება გამოიწვიოს ღებინება, სისუსტე, კრუნჩხვები, გულ-სისხლძარღვთა სისტემის პრობლემები და თირკმლის მწვავე უკმარისობა.

აღსანიშნავია, რომ მედიკამენტი, რომელიც ქვეყანაში კომპანია Quramax Medikal-მა შემოიტანა ბავშვებზე ურეცეპტოდ გაიცემოდა. მშობლები თავად ადგენდნენ შვილებითვის სიროფის დოზას, რომელიც ხშირად აჭარბებდა დადგენილ ნორმას.

მედიის ცნობით, ბრალის დამტკიცების შემთხვევაში ბრალდებულებს ათიდან თხუთმეტ წლამდე ვადით ემუქრებათ პატიმრობას. საქმე აღძრულია მედიკამენტების იმპორტიორის და შპს "მედიკამენტების სტანდარტიზაციის სამეცნიერო ცენტრის" თანამშრომლების მიმართ.

მათ ბრალი მედიკამენტის რეალიზაციის ფაქტზე წაუყენეს, რომლის მიღებამაც ადამიანების გარდაცვალება გამოიწვია. ყველა ბრალდებული უკვე დაკავებულია.

უზბეკეთის ჯანდაცვის სამინისტროში განაცხადეს, რომ საქონლის თითოეული პარტია ექვემდებარება შემოწმებას. თუმცა, 21 ბავშვიდან, რომლებმაც მიიღეს სიროფი 18 გარდაიცვალა მწვავე რესპირატორული დაავადებით.

დეპარტამენტის ინფორმაციით, გარდაცვლილი ბავშვები სიროფს 2-7 დღის განმავლობაში, დღეში სამჯერ ან ოთხჯერ იღებდნენ, 2, 5-5 მლ. დოზით

ექსპერტებმა განმარტეს, რომ წამლის ძირითადი ნაწილი იყო პარაცეტამოლი, მშობლები კი სიროფს არასწორად იყენებდნენ, ან აფიაქარების რეკომენდაციებს იყენებდნენ, რაც კიდევ უფრო აუარესებდა ბავშვების მდგომარეობას.