ასტროლოგია დღის რომელ მონაკვეთში დაიბადეთ ეს თქვენს მომავალ ბედისწერას განაპირობებს 2012, 28 სექტემბერი, 1:14 ალბათ ბევრმა არ იცის, რომ ასტროლოგიურად ადამიანის ბედისწერას და ხასიათის შტრიხებს დღის ან ღამის კონკრეტული მონაკვეთი განაპირობებს. აქედან გამომდინარე, მას ვინც დილის საათებში მოევლინა ქვეყანას, ფუტკარივით მოუსვენარი ცხოვრება და მუდმივი ხლაფორთები ელის წინ. ნებისმიერი წარმატება მათთვის დიდი შრომის ფასად მოდის. აი მათ კი ვინც შუადღისას დაიბადა, დაბადებიდანვე თან დაჰყვა უზომოდ დიდი და ძლიერი ენერგეტიკა. სიცოცხლისუნარიანები, უზომოდ მოძრავები და მოუსვენრები, ისინი სხვებზეც გადამდებად მოქმედებენ საკუთარი ამ ხასიათით. თუმცა ყველაფერ ამასთან ერთად, მათი უმთავრესი პრობლემაა ქაოსურობა, რომელსაც აუცილებლად უნდა მიაქციონ ყურადღება. ვინც საღამოს საათებში მოევლინა ქვეყანას, საკმაოდ რთული ცხოვრება ერგოთ წილად. ამ ადამიანების მთავარი ამოცანაა შუალედის დაცვა ისწავლონ ცხოვრებაში, მიიღონ რეალობა ისეთი როგორიცაა, ფეხი აუწყონ მას და შეეცადონ რადიკალიზმს რომელიც ხასიათში ჭარბად აქვთ, როგორმე სიმშვიდით აჯობონ. ხოლო, მათ ვინც ღამით მოევლინა ამ ქვეყანას, ადამიანებით მანიპულირების და ძლიერი ფსიქოლოგიური ზემოქმედების ნიჭი დაჰყვა თან. ამ ადამიანებს გასაოცარი ლავირების უნარი აქვთ, შეუძლიათ მასებიც კი მართონ, მაგრამ მათ უნდა ისწავლონ საკუთარი ძალის სწორად გამოყენება, წინააღმდეგ შემთხვევაში სამყარო მათ მკაცრად დასჯის. 642 2-ს მოსწონს
|