2009 წელს და შემდეგ დაბადებულები სიგარეტს ვეღარასოდეს იყიდიან.

უკვე რამდენიმე წელია, ახალი ზელანდიის ხელისუფლება მსჯელობს იმაზე, თუ როგორ და რა გზით შეამცირონ ქვეყნის მოსახლეობაი მწეველების რიცხვი და სიგარეტი ნებისმიერ კუთხეში კი არ იყიდებოდეს, არამედ მხოლოდ თამბაქოს სპეციალიზებულ მაღაზიებში. ხანგრძლივი მსჯელობისა და სხვადასხვა კანონპროექტების განხილვის შემდეგ, მთავრობამ გადაწყვიტეს შემდეგი ვარიანტი: შემუშავებულიყო აკრძალვა სიგარეტის გაყიდვაზე.

მაგრამ არა მყისიერად და ტოტალურად, არამედ მწეველთა ასაკობრივი ზღვარის წლიური მატებით. ამრიგად, რამდენიმე წელიწადში (ხელისუფლება იმედოვნებს, რომ 2025 წლისთვის სერიოზულ პროგრესს მიაღწევენ) ახალ ზელანდიაში შეიძლება ჩამოყალიბდეს, როგორც მოწევისგან თავისუფალი ერი.

-ათასობით ადამიანი იქნება ჯანმრთელი და დიდხანს იცოცხლებს, ჯანდაცვის სისტემა კი მიიღებს 5 მილიარდ დოლარით მეტ თანხას, რადგან მათ არ დასჭირდებათ მოწევით გამოწვეული დაავადებების მკურნალობა, როგორიცაა კიბოს მრავალი სახეობა, გულის შეტევა, ინსულტი, ამპუტაცია, - განმარტავს ჯანდაცვის მინისტრის მოადგილე აიშა ვეროლი.

2023 წელს ძალაში შევა კანონი, რომელიც კრძალავს სიგარეტის მიყიდვას 2009 წლის 1 იანვრის შემდეგ დაბადებულ ახალზელანდიელებს (მათ შორის, როცა ისინი სრულწლოვანებას მიაღწევენ). 10-ჯერ შემცირდა იმ მაღაზიების რაოდენობა, რომლებსაც კანონიერად აქვთ თამბაქოს გაყიდვის უფლება, ქვეყნის მასშტაბით ასეთი მაღაზიების რაოდენობა 6000-დან 600-მდე შემცირდა.

თუმცა, თამბაქოს საწინააღმდეგო კანონი არ გულისხმობს ელექტროსიგარეტის აკრძალვას. სტატისტიკა აჩვენებს, რომ ახალზელანდიელებმა, რომლებმაც აიძულეს სიგარეტის მიტოვება, წარმატებით გადავიდნენ ვეიპზე. გაიზარდა იმათი პროცენტული რაოდენობა, ვინც ელექტროსიგარტზე გადავიდა - 8, 3% ით 6, 2%-ის ნაცვლად 2021 წელთან შედარებით.

სხვათა შორის ხელისუფლების ქმედებებს დადებითი შედეგი მოაქვს, ყოველდღიურ მწეველთა რიცხვი 8%-მდე შემცირდა.

„ბოლო ერთი წლის განმავლობაში მწეველთა რიცხვი 56 000 ადამიანით შემცირდა, მიუხედავად პანდემიით გამოწვეული ზეწოლისა და სტრესისა, ახლა მწეველთა რიცხვი 10 წლის წინანდელთან შედარებით განახევრებულია“, - აღნიშნა მინისტრის მოადგილემ.