” ხარაგაულის საკრებულოს თავმჯდომარის მოადგილე, რომელსაც ხელფასი 4000 ლარი აქვს – მისი ოჯახი იღებს სოციალურ დახმარებას. ეს მაშინ, როცა 5000 მომლოდინეა ხარაგაულში დახმარების მომლოდინეთა რიგში. მათ და მათ კოლეგებს, ყველა მთავრობის წევრს მინდა ვუთხრა – არ დაგითმობთ არც ამ ქვეყანას, არც ამ ქვეყნის ბიუჯეტს, ფულს, რომელსაც პარავთ საქართველოს მოსახლეობას წარმოუდგენელი განათლების, ლექსიკის ხალხია, რომელთა სიტყვათა მარაგში უცენზურო სიტყვების გარდა არაფერი არ არის.”

.

“ქართული ოცნების” აქტივისტები და ხარაგაულის საკრებულოს წევრები “ნაციონალური მოძრაობის” ლიდერს, ლევან ხაბეიშვილს ფიზიკურად დაუპირისპირდნენ.

ადგილზე მიგზავნილები ხაბეიშვილის საკრებულოდან გაძევებას ცდილობენ.

ხებეიშვილი ხარაგაულში მას შემდეგ ჩავიდა, რაც ცნობილი გახდა, რომ საკრებულოს თავმჯდომარის მოადგილის ოჯახს სოციალური დახმარება დაუნიშნეს.

აღსანიშნავია, რომ დავით კიკნაძე სოლიდურ ანაზღაურებას 4 000 ლარს იღებს. საჯარო სამსახურში ასევე დასაქმელია კიკნაძის მეუღლე ია ტაბატაძე. ის არის ხარაგაულის მერიის ფინანსისტი და მისი წლიური შემოსავალი არის 8000 ლარამდე.

.