სტატიაში წარმოგიდგენთ ძალიან პატარა და მომხიბვლელ ნაგებობას სახელად Acorn. ეს პაწაწინა სახლი ბორბლებზე შექმნილია Backcountry Tiny Homes -ის მიერ ტრეილერის ორღერძიან მისაბმელზე, რომლის ფართი დაახლოებით 9 კვ.მ.-ია, თუმცა, შიგნით შესულებს სულ სხვა შეგრძნება დაგეუფლებათ.

გარედან Acorn-ს კედრის კედლები აქვს შავი გოფრირებული ლითონით, ერთ–ერთ მათგანს კი მინიმალისტურ-აბსტრაქტული ფრესკა ამშვენებს – ორი შავი მთა თეთრი კონტურით. მეტალის გვერდები არაჩვეულებრივად ეხამება სახლის სახურავს და უწყვეტობის შთაბეჭდილებას ტოვებს. შესასვლელი თეთრი შუშის კარით არის წარმოდგენილი. მის წინ გემბანის სტილის ვერანდაა, საკმარისად დიდი ორი დასაკეცი სკამის დასადგმელად.

ერთ-ერთ კედელზე შავი ფერის მთების მინიმალისტური ფრესკაა თეთრი კონტურით.

სართულის შიდა გეგმა მოიცავს პირველადი საჭიროების ისეთ ელემენტებს, როგორიცაა მისაღები, საძინებელი და სამზარეულო.

Acorn-ის ფართი დაახლოებით 9 კვ.მ.-ს შეადგენს და ძალიან კომპაქტურია. შესვლისას პირდაპირ მისაღებ ოთახში აღმოჩნდებით, რომელიც ღამით საძინებლად გადაიქცევა – კარიდან მარცხნივ გასაშლელი დივანია ბევრი დეკორატიული ბალიშით უფრო მეტი კომფორტის შესაქმნელად. მის წინ კედელზე მიმაგრებული ჩამოსაკეცი მაგიდაა და ამასთან, კედლის ულამაზესი დეკორაცია – შავი მეტალის ნაძვის ხე კალათით და ელეგანტური თბილი განათებით, რომელიც უფრო მეტ მიმზიდველობასა და სიმყუდროვეს სძენს სივრცეს.

მისაღებ სივრცეში კომფორტული გასაშლელი დივანია, რომელის უკანა და მარჯვენა მხარეს დიდი ზომის ფანჯრებია, საიდანაც ბუნების ულამაზესი ხედით დატკბებით.

ჭერის ქვემოთ, მთელს ოთახში ჩარჩოსებური სათავსოა გაკეთებული, ისეთი ნივთების დასაწყობად, რასაც ყოველდღიურად არ გამოიყენებთ.

დიდი ფანჯრების საშუალებით უფრო მეტი ბუნებრივი სინათლე შემოვა სახლში, რაც უფრო დიდი სივრცის შთაბეჭდილებას ქმნის –Acorn და მისი კომპაქტური ინტერიერი ისეთი პატარა აღარ ჩანს, როგორიც რეალურადაა. მისაღების მომიჯნავედ პატარა სამზარეულოა. ამ ორ სივრცეს კი თაროებიანი კარადა ჰყოფს, მის წინ პატარა კომოდზე შეშის ღუმელია. სამზარეულო ზონას რამდენიმე მნიშვნელოვანი ელემენტი აქვს, როგორიცაა პატარა მაცივარი დახლის ქვეშ, ნიჟარა და ასევე პატარა ელექტროქურა. სააბაზანოს ფართი იტევს მხოლოდ საშხაპეს, ტუალეტს და პატარა ჩამოსაკიდ კარადას მის ზემოთ.

მისაღებ ზონაში კედელი გაფორმებულია მინიმალისტური დეკორაციით – შავი მეტალის ნაძვის ხე თბილი განათებით.

დივნის მოპირდაპირედ, კედელზე ჩამოსაკეცი მაგიდაა დამაგრებული, რომელიც არაჩვეულებრივად ეხამება მეტალის კედლის დეკორაციას.

ღამით, მისაღები საძინებლად გადაიქცევა მაგიდის ჩამოკეცვის და გასაშლელი დივნის დახმარებით.

დიდი ფანჯრები სახლს ბუნებრივი სინათლით ავსებს და ამასთან, ხედიც ფანტასტიურია.

მაღალი კარადა ღია თაროებით მისაღებ და სამზარეულო ზონებს ერთმანეთისგან ჰყოფს.

სამზარეულო ასევე კომპაქტურია – პატარა მაცივრით, ნიჟარით და ზედა სათავსოთი.

სააბაზანო საკმარისად დიდია იმისთვის, რომ განთავსდეს საშხაპე, ტუალეტი და პატარა თეთრი კარადა მის ზემოთ.

ექსტერიერს რაც შეეხება, წარმოდგენილია გემბანის სტილის პატარა ვერანდით, რომელიც მაკავშირებელი ხიდივითაა ინტერიერსა და გარე სამყაროს შორის.