ფეისბუქ-გვერდი - „დამიცავი პატარა ვარ“ შექმნილია სექსუალურ ძალადობასთან ბრძოლის მიზნით. აღნიშნულ პროექტს, ორგანიზაცია „საფარი“ ახორციელებს. სადაც ქვეყნდება სექსუალურ ძალადობასთან დაკავშირებული მძიმე ისტორიები.

ისტორია 1

„მოზარდი ვიყავი, ალბათ ასე 13-14 წლის. ისე მოხდა, რომ ჩემი უფროსი ძმის ძმაკაცმა ჩვენს სახლში დამიმარტოხელა და ჩემთან ძალით რაღაც საზიზღარ სექსუალურ ქმედებებს აკეთებდა (უკანალზე და მკერდზე ხელებით მზელდა, ცდილობდა, ტუჩებში ეკოცნა და ა.შ.). იმ მომენტში, რა თქმა უნდა, ჩვენთან სახლში არავინ იყო, ჩემი ძმა გარეთ იყო გასული სიგარეტის მოსატანად. ეს კარგად იცოდა და ამიტომ იყო ასეთი გულმოცემული. მე ვერც ვიყვირე და ვერც ხელიდან დავუსხლტი, რადგან მემუქრებოდა, თუ ვინმეს გააგებინებ, ყველაფერს შენ დაგაბრალებ და ხომ იცი, რომ მე დამიჯერებენ და შენ არაო. დავფრთხი, შემეშინდა, შემრცხვა და ეს ამბავი არავისთვის მითქვამს. ამის შემდეგ, ამ ნაძირალას კიდევ ბევრჯერ უცდია ჩემი კოცნა და ასეთივე სექსუალური ხასიათის „ჟღვლემა“. მე ხან ვახერხებდი მისი ხელიდან დასხლტომას, ხანაც - ვერა. ჩემი ძმა საშინელი აზიატია, სუფრაზე ქალებთან ჯდომაც კი რომ არ მოსწონს, ეგეთი. ისეთი ნევროტიკია, ეს ამბავი რომ გაიგოს, ალბათ მომკლავს. ახლაც კი, როცა ქმარი მყავს, მისი უფრო მეშინია. ამდენი წელია, ამ ყველაფერს ვითმენ. ეს მოძალადე სულ ჩემთან სიახლოვეს დაეძებს, რომ თავისი ბინძური ქმედებები გააგრძელოს. მე მუდმივ სტრესში ვარ და ეს ამბავი არასოდეს არავისთვის მითქვამს, ჩემი ერთადერთი დაქალის გარდა. ეს კაცი იმდენად მაწუხებს უკვე წლებია, რომ თავის მოკვლაზეც ვფიქრობ. სასაცილოა არა? ეგეც წარმომიდგენია ხოლმე, მე რომ მოვკვდე, როგორ „გაამხნევებს“ ჩემს ძმას და ქმარს. ამას წინათ, ეკლესიაში მარიამობის დღესასწაულზე, დიდი ჭყლეტვა იყო. ჰოდა ეს ნაძირალა ჩემ უკან როგორ აღმოჩნდა, არ ვიცი. ხელით მკერდზე შემეხო და ძლიერად მომისრისა. იმდენად ცუდად გავხდი, იქვე ჩავიკეცე. ყველას ეგონა, რომ სიცხისა და უჰაერობისგან გავხდი ასე. მუდმივად უკან დამდევს და მოსვენებას არ მაძლევს. ერთ მშვენიერ დღეს თავი თუ ჩამოვიხრჩე, მხოლოდ ჩემს დაქალს ეცოდინება, რის გამო მოხდა ეს“.

ისტორია 2