ამერიკელი პოპ-არტის კლასიკოსის ენდი უორჰოლის მერილინ მონროს პორტრეტი Shot Sage Blue Marilyn ნიუ-იორკში Christie's-ის აუქციონზე რეკორდულად 195 მილიონ დოლარად გაიყიდა. ამის შესახებ CNN-ი იტყობინება.

პორტრეტის გაყიდვამ დაამყარა რეკორდი, როგორც ნებისმიერი ამერიკელი მხატვრის მიერ აუქციონზე გაყიდული ყველაზე ძვირადღირებული ნამუშევარი, ასევე, როგორც მე-20 საუკუნის ყველაზე ძვირადღირებული ნახატი, აღნიშნა არხმა.

გაყიდვამდე Christie's-მა აღწერა Shot Sage Blue Marilyn-ი, როგორც "ერთ-ერთი უიშვიათესი და ყველაზე გამორჩეული სურათი, რომელიც არსებობს".