სან ფრანცისკოში გადაღებების შედეგად მოსახლეობა ძალიან გაღიზიანებული იყო, რადგან დაზიანდა შენობები და ქუჩის განათებები. იმ პერიოდში კი სამი ფილმის გადაღებები მიმდინარეობდა ერთდროულად - მატრიცის, ვენომი 2-ის და შანგ ჩის.

ლანა ვაჩოვსკიმ განაცხადა, რომ იდეა ნეოსი და ტრინიტის დაბრუნების იდეა გაუჩნდა მას მერე რაც მისი მშობლები და საუკეთესო მეგობარი დაიღუპა ერთი თვის შუალედში.

ლილი ვაჩოვსკიმ იმდენად განიცადა მშობლების დაღუპვა, რომ საერთოდ დატოვა ქვეყანა რათა განმარტოებულიყო რაღაც პერიოდით.

პრიანკა ჩოპრა, ბოლივუდის მეგა ვარსკვლავი და სატის როლის შემსრულებელი მატრიცაში. ის იმდენად ნერვიულობდა გადასაღებ მოედანზე თავისი როლის გამო, რომ სერიოზული სტრესი მიიღო როგორც თვითონ აღნიშნავდა.

ჯესიკა ჰენვიკის პერსონაჟს ჰქვია ბაგსი, მულტფილმის პერსონაჟის ბაგს ბანის მიხედვით, რომელიც არის თეთრი ბოცვერი. სწორედ თეთრი ბოცვერია, რომელსაც ნეო უნდა გაჰყვეს.

ერთ-ერთ სცენაში ტიფანი (ტრინიტი) ამბობს, რომ მას ძალიან უყვარს მოტოციკლეტები და თავის მეგობართან ერთად აწყობს მათ. ეს ფაქტი აღებული იყო კიანუ რივზის ცხოვრებიდან, რომელიც თავის მეგობართან გარდ ჰოლინგერთან ერთად აწყობს მოტოციკლეტებს და დაარსებული აქვთ კომპანია Arch Motorcycle Company.

კიანუ რივზს და კერი-ან მოსს მოუწიათ 44 სართულიანი შენობის სახურავიდან 20-ზე მეტჯერ გადმოხტომა, რათა სასურველი კადრი მიეღოთ.

პიროვნება, რომელიც თამაშობს ნეოს ანარეკლს სარკეში, სინამდვილეში არის კერი-ენ მოსის (ტრინიტი) მეუღლე.

ფილმი უნდა გადაღებულიყო ჩიკაგოში, მაგრამ მზარდი ბიუჯეტის გამო ჩიკაგო შეიცვალა სან ფრანცისკოთი.

სცენაში სადაც ტიფანის იგივე ტრინიტის მეუღლე - ჩედი, აკითხავს კაფეში, მეუღლის როლს თამაშობს ჩედ სტაჰელსკი, რომელიც არის ჯონ უიკის ფილმების რეჟისორი და ასევე კიანუ რივზის დუბლიორი მთელი მატრიცის ფილმების სერიებში.

ჯესიკა ჰენუიკს (ბაგსი) უნდა გაეკეთებინა არჩევანი თუ რომელ ფილმში ეთამაშა, მატრიცაში თუ შანგ ჩი-ში. როგორც ვიხილეთ მან მატრიცა აირჩია.

ლოურენს ფიშბორნი ძალიან განაწყენებული იყო, რომ მას მატრიცაში დაბრუნება არ შესთავაზეს.

ჰუგო უივინგი (აგენტი სმიტი) უნდა დაბრუნებულიყო ფილმში, მაგრამ დროის უქონლობის გამო სხვა პროექტით, ვერ მოახერხა ფილმში დაბრუნება.

ჯო პანტოლიანო (საიფერი პირველ ფილმში, რომელმაც უღალატა მორფეუსს და თავის გუნდს) ინტერესს გამოსთქვამდა ფილმში მონაწილეობაზე და ლანა ვაჩოვსკისაც კი მისწერა თხოვნით, თუმცა ვაჩოვსკიმ ის უპასუხოდ დატოვა.

ფილმს, ტრეილერის გამოსვლიდანვე უწინასწარმეტყველებდნენ ჩავარდნას და ასეც მოხდა. დიდი ინტერესის მიუხედავად მან სრული კრახი განიცადა.

ფილმის ბიუჯეტი: 190 მილიონი - 148 მილიონი.

ავტორი: ბესო ჭიკაიძე