თბილისში შარტავას ქუჩაზე მომხდარ ავტოსაგზაო შემთვევას სოციალურ ქსელში ეხმაურება ნანი ბრეგვაძის შვილიშვილი, მომღერალი ნატალია ქუთათელაძე:

შეგახსენებთ, 31 მარტს თბილისში, შარტავას ქუჩაზე, ავტომანქანა 8 წლის ბავშვს დაეჯახა. ბავშვი იაშვილის კლინიკაში, მრავლობითი დაზიანებებით გადაიყვანეს, სამწუხაროდ ბიჭს მარჯვენა ფეხის ამპუტაცია ჩაუტარდა, მისი მდგომარეობა ამ დრომდე მძიმეა.

საქართველოს პროკურატურამ ბრალი წაუყენა კაცს, რომელიც 8 წლის ბავშვს თბილისის ცენტრში დაეჯახა. ბავშვმა მძიმე დაზიანებები მიიღო.

"შარტავას ქუჩაზე დ.ჯ.-მ, რომელიც „BMW“-ს მარკის ავტომობილს მართავდა, გადააჭარბა კანონით განსაზღვრულ მაქსიმალური სიჩქარის ზღვარს, მეორე სამოძრაო ზოლიდან პირველ სამოძრაო ზოლში გადასვლის მანევრი „საგზაო მოძრაობის შესახებ“ საქართველოს კანონის მოთხოვნათა დარღვევით განახორციელა და პირველ სამოძრაო ზოლში მოძრავ ავტომობილს დაეჯახა. შეჯახების შედეგად დ.ჯ.-ს მართვის ქვეშ მყოფმა ავტომანქანამ მართვა დაკარგა, გზის სავალი ნაწილიდან გადავიდა, ტროტუარზე ავარდა და იქვე მდგომ 8 წლის ბავშვს დაეჯახა", - აცხადებენ პროკურატურაში.