საყვარელ მეუღლეს მონატრებული ქმარი, რომელიც ცდილობდა ტაილანდიდან ინდოეთში ნავით ჩასულიყო ცოლის სანახავად, მაშველებმა გადაარჩინეს და დააკავეს ტაილანდის სანაპიროდან სულ რაღაც 50 მილის მოშორებით, ზღვაზე 2 კვირიანი მოგზაურობის შემდეგ.

ვიეტნამელი ჰო ჰოანგ ჰუნგი ტაილანდის საკურორტო კუნძულ ფუკეტიდან გასაბერი რეზინის ნავით გაემგზავრა, რომელმაც საგზალად მხოლოდ წყალი და სწრაფად მოსამზადებელი ატრია წაიყოლა, მამაკაცს ნავიგაციის სისტემის გარეშე, ბენგალის ყურის გასწვრივ 1240 მილი უნდა გაეცურა.

თევსაჭერმა გემმა 37 წლის მამაკაცი ოთხშაბათს სიმილანის კუნძულებთან, ტაილანდის მატერიკიდან დაახლოებით 50 მილის დაშორებით იპოვე, რის შემდეგაც დაუკავშირდა სამხედრო-საზღვაო უსაფრთხოების განყოფილებას, რომლებმაც ის გადაარჩინეს.

ჰო ჰუნგმა ოფიციალურ პირებს განუცხადა, რომ ცდილობდა დაკავშირებოდა თავის მეუღლეს, რომელიც მუშაობს ინდოეთში, კერძოდ ქალაქ მუმბაიში, მას შემდეგ, რაც ორი წელი გაატარეს ცალ-ცალკე კოვიდ შეზღუდვების გამო.

ტაილანდის სამხედრო- საზღვაო ძალების კაპიტნის, პიჩეტ სონტანის თქმით, მამაკაცი იპოვეს რუკის, კომპასის, GPS-ის, გამოსაცველი ტანსაცმლის გარეშე და მხოლოდ შეზღუდული რაოდენობის წყლით.

თავდაპირველად მამაკაცი ბანგკოკში გაფრინდა, მაგრამ აღმოაჩინა, რომ უვიზოდ ვერ წავიდოდა ინდოეთში, ამიტომ ავტობუსით ჩავიდა ფუკეტში და იქვე იყიდა რეზინის ნავი.

ჰუ ჰუნგმა მოგზაურობა ზღვაზე 5 მარტს დაიწყო, თუმცა პირქარის გამო გაუჭირდა წინსვლა და ორი კვირის განმავლობაში მხოლოდ 50 მილის დაფარვა შეძლო, შემდეგ შეაბამისმა სამსახურებმა იპოვეს კიდეც.

ტაილანდის ოფიციალურმა პირებმა განაცხადეს, რომ ჰუნგს ფუკეტში დააბრუნებდნენ შემდგომი დაკითხვისთვის.

„ჩვენ დავუკავშირდით ვიეტნამის და ინდოეთის საელჩოებს, მაგრამ პასუხი ჯერ არ მიგვიღია“, - განაცხადა პიჩეტ სონტანმა.