„ჩვენი კვლევა არის პირველი მტკიცებულება იმისა, რომ ჩვენს სისხლში პოლიმერული ნაწილაკები გვაქვს. მაგრამ ჩვენ უნდა გავაფართოვოთ კვლევა და გავზარდოთ ნიმუშის ზომები, შეფასებული პოლიმერების რაოდენობა“, - თქვა ეკოტოქსიკოლოგმა დიკ ვეტჰაკმა. შემდგომი კვლევები უკვე მიმდინარეობს, დასძინა მან.

მიკროპლასტიკების გავლენა ადამიანის ჯანმრთელობაზე ჯერ კიდევ უცნობია. 2019 წელს ჯანმო-მ განაცხადა, რომ ადამიანებს „სასწრაფოდ სჭირდებათ მეტი ცოდნა მიკროპლასტიკების ჯანმრთელობაზე ზემოქმედების შესახებ, რადგან ეს ნაწილაკები ყველგანაა, მათ შორის წყალში, რომელსაც ჩვენ ვსვამთ“. ორგანიზაციამ აღნიშნა, რომ იმ დროისთვის ხელმისაწვდომი შეზღუდული ინფორმაციის საფუძველზე, სასმელ წყალში არსებული მიკროპლასტიკა არ არის საშიში ადამიანისთვის ამჟამინდელი კონცენტრაციით, მაგრამ „უფრო მეტის ცოდნაა საჭირო“.

„რა ხდება ჩვენს ორგანიზმში? რჩება თუ არა ნაწილაკები სხეულში? გადაჰყავთ თუ არა ისინი კონკრეტულ ორგანოებში, მაგალითად ჰემატოენცეფალური ბარიერის გადაკვეთით? და არის ეს დონეები საკმარისად მაღალი, რომ გამოიწვიოს დაავადება? ჩვენ სასწრაფოდ გვჭირდება ამაში გასარკვევა, ”- თქვა ვეტჰაკმა.

ამ თემაზე ბოლოდროინდელმა კვლევამ აჩვენა, რომ მიკროპლასტიკებს შეუძლიათ მიეკრან სისხლის წითელი უჯრედების გარე გარსებს და ხელი შეუშალონ ჟანგბადის გადატანაში. მეცნიერები შეშფოთებულნი არიან, რომ მიკროპლასტიკებმა, რომლებიც ადამიანის სხეულში ხვდებიან ჰაერის, წყლისა და საკვების მეშვეობით, შეიძლება გამოიწვიონ ყოველწლიურად მილიონობით ადამიანის ნაადრევი სიკვდილი.

აუცილებელია რაც შეიძლება მალე გაირკვეს, შეუძლია თუ არა მიკრო და ნანო პლასტიკებს უჯრედების გარდაქმნა და კანცეროგენეზის გამოწვევა, აღნიშნა ვეტჰაკმა. ეს განსაკუთრებით აქტუალურია პლასტმასის ინდუსტრიის ზრდის ფონზე, დასძინა მკვლევარმა.