ყოველი ჭამის დროს 25-35 გრამი ცილა უნდა იქნას მიღებული. წინააღმდეგ შემთხვევაში, არსებობს კუნთების მასის დაკარგვის რისკი, განსაკუთრებით ასაკის მატებასთან ერთად. „ჩვენ ვკარგავთ კუნთების მასის სამიდან რვა პროცენტამდე ყოველ ათ წელიწადში ერთხელ მას შემდეგ, რაც 30 წელს გადავაბიჯებთ, ამიტომ მნიშვნელოვანია ამის შენარჩუნება როგორც დიეტის, ასევე ვარჯიშის საშუალებით“, - განმარტავს ჰარის-პინკუსი.

ამისთვის იდეალურია დილით იოგურტზე დაფუძნებული საუზმე, ამბობს დიეტოლოგი. 150 მლ იოგურტში არის 16 გრამი ცილა, დანარჩენი ცილა სხვა საკვები ნივთიერებებით თავად უნდა დაამატოთ. მაგალითად, იოგურტი კენკრით და ნუშით, მისი თქმით, შეიცავს როგორც რძის, ასევე მცენარეულ პროტეინს. გარდა ამისა, მას აქვს ბოჭკოები, ანტიოქსიდანტები, ჯანსაღი ცხიმები, კალციუმი, ვიტამინი დ და მაგნიუმი.

შეიძლება სხვა კომბინაციებიც - იოგურტი წიწაკით და გოგრის თესლით, რომელიც მდიდარია ჯანსაღი ცხიმებით, ბოჭკოებით, ცილებით, მაგნიუმით, კალიუმით, რკინით და კალციუმით და იოგურტი ბროწეულსა და ფისტასთან ერთად, რომელიც ორგანიზმს უზრუნველყოფს რკინით, მაგნიუმით, ჯანსაღ ცხიმებით და მცენარეული ცილით. ჰარის-პინკუსი ასევე გვთავაზობს მივიღოთ იოგურტი ჩიას თესლთან ან იოგურტი ქინოასთან ერთად.