ასეთი გულსართით, ღვეზელის მომზადება ნებისმიერი ცომით შეიძლება. ასევე, შეიძლება მისი შეწვა, გამოცხობა და ორთქლზე მომზადებაც კი. აქ კი, ცომის ყველაზე სწრაფ, მარტივ და ამავდროულად, გემრიელ რეცეპტსაც გთავაზობთ.

მასალა ცომისთვის:

კეფირი (ოთახის ტემპერატურის) – 500 მლ.
არაჟანი – 2 ს. კ.
ფქვილი – 800 გრ.
შაქარი – 2 ს. კ.
მარილი – 0, 5 ჩ. კ.
სოდა – 1 ჩ. კ.
ზეთი – 3 ს. კ.
კვერცხი – 1 ცალი

I. თასში ჩააცერით, დაახლოებით, 500 გრ. ფქვილი > დაამატეთ კვერცხი, მარილი, შაქარი, ზეთი, არაჟანი და სოდა > შემდეგ, თანდათანობით, დაამატეთ კეფირი > მოზილეთ ცომი და შეაზილეთ დარჩენილი ფქვილი > როდესაც ცომი ხელზე აღარ მიგეკრობათ, პოლიეთილენის პარკში ჩადეთ და ნახევარი სთ–ით დაასვენეთ.

II. გულსართის მოსამზადებლად, დაჭერით წვრილად ხახვი და მოთუშეთ ზეთში > კარგად რომ შეწითლდება, ცეცხლიდან გადმოდგით და გააგრილეთ.

III. კიტრის მწნილი დაჭერით პატარ–პატარა კუბიკებად > მოათავსეთ სუფთა ტაფაზე და შეწვით. ამ შემთხვევაშიც, კიტრის ნაჭრები უნდა შეწითლდეს, ხოლო მასში არსებული სითხე აორთქლდეს.

IV. როდესაც შეგრილდება, კიტრი და ხახვი ერთმანეთს შეურიეთ.

V. დაყავით ცომი პატარ–პატარა გუნდებად > გააბრტყელეთ თითოეული გუნდა > მოათავსეთ გულსართი და გადაახვიეთ ღვეზელი.

VI. შეწვით ზეთში ან გამოაცხვეთ 180 გრადუსზე, წინასწარ გახურებულ ღუმელში. ღუმელში გამოცხობის შემთხვევაში, შეგიძლიათ ზემოდან ცოტა წყალში ათქვეფილი კვერცხის გული გადაუსვათ.