"საქართველოს წმ. სინოდის უკვე მესამე წევრი გარდაიცვალა კორონავირუსით- 46 წლის ასაკში მეუფე დიმიტრი (კაპანაძე), დედოფლისწყაროს, ხორნაბუჯის და ჰერეთის ეპისკოპოსი და შეთავსებით ნეკრესის დაქვრივებული ეპარქიის დროებითი მმართველი დღეს გარდაიცვალა ჰოსპიტალში უშედეგო, დაგვიანებული მკურნალობის შემდგომ.

მეუფე დიმიტრი აუცრელი იყო და მისი ანტივაქსერული დამოკიდებულება და ნაადრევი გარდაცვალება ილია მეორის კისერზეა, რომელიც ჯიუტად არ ახდენს მოწოდებას აცრის სასარგებლოდ და არც იმას ქადაგებს, რომ აცრაში არაფერი სატანური და ცოდვისმიერი არ არის!"-წერს დეკანოზი ილია ჭიღლაძე სოციალურ ქსელში.

ხორნაბუჯისა და ჰერეთის ეპისკოპოსის, დიმიტრი კაპანაძეს გარდაცვალების შესახებ საპატრიარქოს საზოგადოებასთან ურთიერთობის სამსახურის facebook-ის ოფიციალური გვერდი აქვეყნებს:

"გარდაიცვალა ყოვლადუსამღვდელოესი, ხორნაბუჯისა და ჰერეთის ეპისკოპოსი დიმიტრი (კაპანაძე).

▪️ მეუფე დიმიტრის ჯანმრთელობის მდგომარეობა დაამძიმა კორონავირუსით გამოწვეულმა ინფექციამ. იგი ბოლო დღეების განმავლობაში საავადმყოფოში მკურნალობდა.

▪️ გამოვთქვამთ დიდ გულისტკივილსა და მწუხარებას ეპისკოპოს დიმიტრის გარდაცვალების გამო.

აღვავლენთ ლოცვებს მისი უკვდავი სულისათვის, რათა უფალმან აცხონოს და სავანესა მართალთასა დააწესოს იგი, " - წერია გავრცელებულ განცხადებაში.