უკრაინის თანამედროვე ტერიტორია ძველ რუკებზე

მსოფლიო

2022, 2 მარტი, 9:31

ძველ რუკებზე თქვენ ვერ იპოვით ამ სახელწოდების ქვეყანას — მაშინ მას «რუსი» ერქვა. თუმცა, სიტყვა «უკრაინა» («სასაზღვრო» სამთავრო, რეგიონი, ქვეყანა) უკვე არსებობდა. ის XII საუკუნის იპატიევის ქრონიკაშია (კიევის რუსეთის უმთავრესი ისტორიული დოკუმენტი) ნახსენები.

ხოლო, გალიცია-ვოლინის ქრონიკაში, რომელიც XIII საუკუნეს მოიცავს, «უკრაინა» ქვეყნად, ან სამთავროდ არის მოხსენიებული.

დროთა განმავლობაში, «უკრაინამ» სრულიად კონკრეტული ქვეყნის და ეთნოსის აღნიშვნის დატვირთვა შეიძინა. ხოლო ქვეყანას, რომელსაც შემდგომში რუსეთი დაერქვა, ევროპულ რუკებზე, დიდი ხნის მანძილზე, «მოსკოვიას» სახელით იყო აღნიშნული.

რაც შეეხება, შედარებით ახლო წარსულს, აქ რუკებს წარმოგიდგენთ, რომლებზეც უკრაინული ეთნოსიის ტერიტორიული საზღვრებია დაფიქსირებული და შესადარებლად, თანამედროვე უკრაინის სახელმწიფო საზღვარიც არის დატანილი.

ევროპის ქვეყნების და მოსახლეობის რუკა, 1918 წ.

ეს ეთნოგრაფიული რუკაა, რომელზეც ნაჩვენებია სხვადასხვა ეროვნების ხალხთა განსახლების რეგიონები და როგორც ჩანს, 1918 წ. უკრაინული ეთნოსი უფრო დიდ ტერიტორიას ფლობდა, ვიდრე ახლა.

ამ დროს ევროპაში:

საბჭოთა კავშირ – ფინეთის პირველი ომი დაიწყო

დამთავრდა I მსოფლიო ომი

შეიქმნა იუგოსლავიის სამეფო

უკრაინის სახალხო რესპუბლიკის რუკა, 1918 წ.

ეს კი, უკვე უკრაინის პოლიტიკურ–ადმინისტრაციული რუკაა. საინტერესო აქ ის არის, რომ მასზე ბელორუსია «ბელორუსინის» («Білорусини») სახელით არის აღნიშნული, ხოლო რუსეთი — «მოსკალით» («Москалі»). უკრაინელები მაშინ, ტერმინს — «რუსეთი», არც ისე ხშირად ხმარობდნენ. ხოლო, ოფიციალურ დონეზე, ძველად, რუსეთად სწორედ უკრაინას თვლიდნენ (რუსებს კი, ამასთან დაკავშირებით, საწინააღმდეგო აზრი აქვთ — თვლიან, რომ რუს (Русь) და რუსეთი ერთი და იგივეა, ხოლო კიევი, მათი ქვეყნის ისტორიული დედაქალაქა).