ჰოლივუდის სუპერვარსკვლავი უკანასკნელი მაწანწალასავით დადის ლოს-ანჯელესის ქუჩებში

კინო

2021, 23 ნოემბერი, 17:42

დააკვირდით ამ ფოტოებს. ვის ხედავთ? იცანით? დიახ, ფოტოებზე ერთი და იგივე პიროვნებაა, ეს უცნაური თავსაფრიანი და ფეხშიშველა ქალი, ჰოლივუდის ლეგენდა, პროდიუსერი, მწერალი, "ოსკარისა" და "ოქროს გლობუსის" პრემიის ლაურეატი, წარსულში ფოტომოდელი ჯინა დევისია, რომელიც მაყურებლემა გაიცნო ისეთი ფილმებით, როგორიცაა "ტელმა და ლუიზა", "ბიტლჯუსი", "ბუზი", ტუტსი", "შემთხვევითი ტურისტი" და სხვა.

ახლა ის უკვე 65 წლისაა და ეს, რა თქმა უნდა, საპატიო ასაკია ქალისთვის. თუმცა, ასეთი სახით, უკანასკნელ მაწანწალასავით გამოწყობილი ლეგენდარული მსახიობი ლოს-ანჯელესში, ქუჩაში შენიშნეს. სად არის ფეხსაცმელები და გადატკეცილი სახე, ჯინა?

ჯინა დევისმა 50-მდე ფილმში ითამაშა, ზემოთ ჩამოთვილი პრემიების გარდა, ჯინა დევისი არის "სატურნის", "დავით დი დინატელოს" და BAFTA-ს პრემიების ლაურეატი.

დევისი ასევე ცნობილია, როგორც ქალთა უფლებებისთვის აქტიური მებრძოლი.ის სპორტში გენდერული თანასწორობის მომხრეა, ებრძვის სექსიზმს და დისკრიმინაციას და ხელს უწყობს ქალთა უფლებებს ჰოლივუდში.

ფოტოზე: ჯინა დევისი 1977 წელი

2020 წელს სოციალურ და გარემოსდაცვით სფეროებში აქტიური პოზიციისთვის მსახიობს გადაეცა ჯინ ჰერშოლტის ჰუმანიტარული ჯილდო.

სამსახიობო კარიერაში და საზოგადოებრივ ცხოვრებაში კი გაუმართლა ჯინა დევისს, რასაც ვერ ვიტყვით პირად ცხოვრებაზე, მიუხედავად იმისა, რომ ოთხჯერ იყო გათხოვილი, ოჯახურ ცხოვრებაში ბედნიერებამ გვერდი აუარა.

მისი პირველი ქორწინება რესტორნის მენეჯერ რიჩარდ ემოლოსთან ერთ წელზე ნაკლებ ხანს გაგრძელდა. 1986 წელს გამოვიდა დევიდ კრონენბერგის ფილმი "ბუზი", რომლის გადასაღებ მოედანზე ჯინამ გაიცნო მეორე ქმარი ჯეფ გოლდბლუმი.ეს ქორწინებაც მალე დასრულდა - მსახიობები ქორწილიდან სამი წლის შემდეგ დაშორდნენ.

დევისის მესამე ქმარი იყო რეჟისორი რენი ჰარლინი, რომელმაც ცოლი ათამაშა რამდენიმე ცნობილ ფილმში, მათ სორის, "ხანგრძლივი კოცნა ძილის წინ" და "უსიტყვოდ"... და კიდევ ერთ ცნობილ ფილმში - "ავაზაკების კუნძული", თუმცა ცნობილი უარყოფითი კუთხით. 100 მილიონი დოლარის ბიუჯეტით ფილმს 10-ჯერ ნაკლები შემოსავალი ჰქონდა, რის გამოც მოხვდა "გინესის რეკორდების წიგნში", როგორც ყველა დროის ყველაზე მაღალბიუჯეტიანი წარუმატებელი ფილმი. რამდენიმეწლიანი ქორწინების შემდეგ დაშორდნენ. საბედნიეროდ, სკანდალების გარეშე.

ფოტოზე: ჯინას მეოთხე ქმარი რეზა ჯარაჰი-2009 წ.

ბოლოს, მეოთხე ქორწინება - ჯინა დაქორწინდა პლასტიკურ ქირურგზე რეზა ჯარაჰიზე, რომელიც მსახიობზე 15 წლით უმცროსი იყო. უკვე საკმაოდ მოწიფულ ასაკში, დევისმა გარისკა და 46 წლის ასაკში გააჩინა პირველი შვილი, ქალიშვილი ალიზე კეშვარი. ორი წლის შემდეგ წყვილს ტყუპები კიან უილიამი და კაის სტივენი შეეძინათ. ხოლო სამი წლის შემდეგ, ეს ქორწინებაც დასრულდა.

რეზამ განქორწინება მოითხოვა და მიზეზად მუდმივი უთანხმოება დაასახელა. ჯინა იმდენად შოკირებული იყო ამით, რომ საპასუხო სარჩელი შეიტანა, სადაც დაჟინებით ამტკიცებდა, რომ იგი ოფიციალურად არასოდეს ყოფილა დაქორწინებული რეზაზე.