პაწაწინა სახლებში ყველაზე მეტად გამოირჩევა ის ელემენტი, რომელიც მისივე სახელშია მითითებული: ფაქტი, რომ ეს სახლები ნამდვილად მცირე ზომისაა ჩვეულებრივ სტანდარტულ სახლებთან შედარებით. თუმცა, გააჩნია ერთი მახასიათებელი, რომელიც ალბათ უფრო მნიშვნელოვანია, ვიდრე ზემოთ ხსენებული ფაქტი – პაწაწინა სახლები სწორედ დაპროექტების შემთხვევაში შეიძლება იყოს წარმოუდგენლად ოპტიმიზირებული და უნივერსალური და ამასთან ისეთი ფუნქციონალური, როგორც კი შესაძლებელია. სტატიაში გთავაზობთ 28 კვ.მ. ფართის Payette მოდელის სახლს Tru Form Tiny – გან.

ეს უნივერსალური პაწაწინა სახლი, რომლის ფართი სულ 28 კვ. მ., სოფლის სახლის სტილშია შექმნილი ღია და მუქი ხის ფიცრების გამოყენებით. ლითონის სახურავი და უბრალო ფანჯრები თანამედროვე დიზაინის ელფერს აძლევს.

სხვენში განთავსებულ საძინებელში ასვლა კიბეებითაა შესაძლებელი, რომელშიც სათავსოებია ჩაშენებული.

დივანი პანორამული ფანჯრის წინ დგას, რომელიც სახლის ფოკუსს წარმოადგენს.

შიგნით არსებული სივრცე კარგად არის ოპტიმიზირებული, რაც შესაძლებელს ხდის 3 საძინებელი განთავსდეს. პირველი საძინებელი მთავარ სართულზეა გასაწევი კარის უკან. მაშინ როდესაც დანარჩენი 2 საძინებელი სხვენზეა მარჯვენა და მარცხენა მხარეს; იქ მოხვედრას კიბეების მეშვეობით შეძლებთ, სადაც ადგილის დაზოგვის მიზნით სათავსოებია დამონტაჟებული. სხვენის კედრის დახრილი ჭერი მასში ჩაშენებული ფანჯრით მყუდრო ატმოსფეროს ქმნის სახლში.

მისაღები ზონის მარჯვენა მხარეს მთავარი საძინებელია, რომელიც გასაწევი კარით იკეტება.

კედელზე თეთრი ჰორიზონტალური ფიცრები მისაღებ ოთახს ვიზუალურად უფრო ფართოს აჩენს და სოფლის სახლის სიმყუდროვეს სძენს.

სხვენზე განთავსებულ საძინებელს დაბალი ჭერი აქვს მასში ჩამონტაჟებული ფანჯრით და ამასთან ოთახში რამდენიმე პატარა ფანჯარაა, რაც ბუნებრივ განათებას უზრუნველყოფს.

ძირითადი სართულის დარჩენილი ნაწილი უკავია მისაღებ ოთახს, სამზარეულოს უჟანგავი მოწყობილობებით და ჩაშენებული თეთრი კარადებით, საკმაოდ ფართო სააბაზანო შეკვეთით დამზადებული საშხაპეთი. ინტერიერის დიზაინი მთლიანობაში სოფლის სტილშია გადაწყვეტილი, რომელიც ავსებს ამ პაწაწინა სახლის ექსტერიერს და მას თბილსა და მყუდროს ხდის.