ასტროლოგია არის ერთ-ერთი ეზოთერული სწავლება (სფერო), რომელიც ადამიანის პიროვნებასა და მიმდინარე მოვლენებს ახასიათებს პლანეტის განლაგების მიხედვით. დღეს, საზოგადოებაში ასტროლოგიისადმი დაინტერესება დიდია, თუმცა ყოველკვირეული პროგნოზი არაა ასტროლოგია, ის ბევრად უფრო ფართო სფეროა.

მაშასადამე, ასტროლოგია შეგვიძლია მივიჩნიოთ სფეროდ, რომელიც იყენებს ზუსტ მეცნიერებას, ასტრონომიას, მათემატიკასა და სულიერ მეცნიერებას - "ეზოთერიკას". ფაქტობრივად, მასში შერწყმულია მატერიალური და სულიერი, ორი მეტად განსხვავებული, მაგრამ ერთმანეთთან მჭიდროდ დაკავშირებული სამყარო. ზუსტი მეცნიერების მიხედვით თვლიან პლანეტის მოძრაობას, გადაადგილებას, მდებარეობას, ხოლო სულის მეცნიერების, ფსიქოლოგიისა და სხვა ეზოთერული სფეროების მეშვეობით ცდილობენ ახსნან ნებისმიერი მოვლენა თუ მახასიათებელი. შესაბამისად, ასტროლოგია ვერ იქნება ვერც სიცრუე და ვერც მეცნიერება, ის ორი მნიშვნელოვანი სამყაროს ნაზავია.

უკვე შენიშნეთ ზოდიაქოს ნიშნის მიხედვით ადამიანების სიყვარულის ტენდენცია? თუ კი, მაშინ ვგონებ, დღევანდელი სტატია თვქნეთვის ძალზედ საინტერესო იქნება.

5 ყველაზე ჰარმონიული წყვილი ზოდიაქოს ნიშნის მიხედვით

☞ მერწყული და ტყუპები - პასუხისმგებელი მერწყულები მშვენივრად ავსებენ უდარდელ და მეოცნებე ტყუპებს, ერთად კი ქმნიან ძლიერ და ჰარმონიულ კავშირს.

☞ კურო და ქალწული - შესანიშნავი ურთიერთგაგება და ჰარმონია თანდაყოლილია მათ კავშირში არა მხოლოდ სასიყვარულო ურთიერთობებში, არამედ მუშაობის პროცესშიც - კურო და ქალწული ასევე შეიძლება გახდნენ კარგი ბიზნეს პარტნიორები.

☞ სასწორი და კირჩხიბი - დაბალანსებული სასწორი და ემოციური კირჩხიბი მხოლოდ და მხოლოდ სრულყოფილი კავშირია. ეს ორი ნიშანი შეიძლება გახდეს არა მხოლოდ დიდი მოსიყვარულე წყვილი, არამედ ერთგული მეგობრებიც.

☞ ვერძი და მშვილდოსანი - ეს ნიშნები ერთად არასოდეს მოგბეზრდებათ. მათ აერთიანებთ ღრმა, ჩამთრევი საუბრები. ისინი ორივე ვნებიანი რომანტიკოსები, მეოცნებეები და მაძიებლები არიან. როგორც წესი, მათი ურთიერთობა იწყება ძლიერი მეგობრობით, რომელიც თანდათანობით ვითარდება რაღაც უფრო მეტში.

☞ ტყუპები და სასწორი - ორივეს აქვს მკვეთრი გონება, რითიც იზიდავენ ერთმანეთს. მათ აერთიანებთ ძლიერი "ინტელექტუალური" ურთიერთობა და გაუთავებელი ურთიერთგაგება. ამ ორმა ნიშანმა, ისე როგორც სხვა არავინ, იცის როგორ მოუსმინოს პარტნიორის სურვილებს და მხარი დაუჭიროს მას რთულ სიტუაციებში.