რამდენიმე დღის წინ სილვესტერ სტალონემ დაადასტურა, რომ ოქტომბერში დაიწყება გადაღებები „შეუტოკებელნი“-ს სპინოფის, რომლის სახელწოდებაც იქნება „Christmas Story” - “ქრისტმასის ამბავი“ ან „საშობაო ამბავი“. ლი ქრისტმასი, ხომ ჯეისონ სტეტჰემის პერსონაჟს ჰქვია ფილმში და შესაბამისად სპინოფიც სტეტჰემის პერსონაჟზე უნდა იყოს. ასევე ფანები უფრო მეტად გაახარა სტალონემ იმითაც, რომ სპინოფთან ერთად დაიწყება გადაღებები შეუტოკებელნის მეოთხე ნაწილის. ამ ეტაპზე სამსახიობო შემადგენლობა მხოლოდ თავად სტალონესგან, ჯეისონ სტეტჰემისგან და რენდი ქუტურისგან შედგება. მთავარი ბოროტმოქმედის როლზე სტალონე რიჩარდ გირს განიხილავს და დიდი სურვილი აქვს, რომ მთავარი ანტაგონისტის როლი მან შეასრულოს. როგორც თვითონ განაცხადა: „თუ შეუტოკებელნ 4-ში მთავარი ბოროტმოქმედი რიჩარდ გირი არ იქნება, მაშინ ამ ყველაფერს რა აზრი აქვს?“ ამ სიტყვებით სტალონემ ასე ვთქვათ, შერიგების ჟესტი გაუკეთა რიჩარდ გირს, რომელთა შორის ანტიპათია უკვე ორმოც წელზე მეტია გრძელდება.