პორტსიგარი ნუდისტებისთვის, მოსაწევი ქილა და სხვა უცნაური მოწყობილობები მწეველებისთვის (18+)

საზოგადოება

2021, 19 აგვისტო, 10:03

მოწევა მავნებელია ჯანმრთელობისთვის!

მე-20 საუკუნის დასაწყისში არავინ ფიქრობდა თამბაქოს მავნებლობაზე. იგი ექიმებს შეეძლოთ გამოეწერათ ფილტვების ტკივილის ან შაკიკისთვის. ერთადერთი მიზეზი, რის გამოც არ აძლევდნენ მათ ბავშვებს-თამბაქოს ნაწარმის ზედმეტად მაღალი ფასი იყო.

გამომგონებლები ქმნიდნენ ათეულობით სხვადასხვა მოწყობილობებს-მწეველებისთვის უფრო მხიარული და საინტერესო რომ გამხდარიყო მოწევის პროცესი.

ორმაგი მუნდშტუკი პაპიროსისთვის

მე-20 საუკუნის დასაწყისში პაპიროსი (მაშინ სიგარეტს პაპიროსი ეწოდებოდა) ფილტრის გარეშე იყო და ბევრად უფრო ძლიერი (იმისგანაც კი ხველებას დააწყებინებდა დღევანდელ მწეველს, რომელიც მაშინ ქალის, "დამსკი" პაპიროსად ითვლებოდა). ორივე ხელით მოწევა ქალს არ შეშვენოდა, ამიტომ გაჩნდა ასეთი დივაისი.

"მოსაწევი ქილა"

სანამ ქალბატონები ორ პაპიროსს ერთდროულად აბოლებდნენ, მამაკაცებმა მოიფიქრეს ერთ ჯერზე იმ მოცულობის თამბაქოს მოწევა, რომელიც დღეს ერთ კოლოფ სიგარეტს უდრის. გამოიყურება როგორც ევთანაზიის ერთ-ერთი მეთოდი.

მოწყობილობა "დისტანციური მოწევისთვის"

ფაქტიურად ეს თავისებური კალიანია, ოღონდ შედგება პაპიროსისგან, მილისგან და საფერფლისგან.

საფერფლე, რომელიც პაპიროსზე მაგრდებოდა

აი, ამ მოწყობილობას ნამდვილად ვერ უწოდებ სულელურს. ჩანაფიქრი ფრიად რაციონალურია. სამწუხაროა, მას დღეს რომ არ იყენებენ.

კუსტარული დისტანციური პაპიროსის მოსაკიდებელი დაჭრილი ამხანაგისთვის

ამ "მოწყობილობის" წყალობით მეომარს, რომელსაც ორივე ხელი აქვს მოტეხილი, საშუალება აქვს პაპიროსი გააბოლოს, მის მეზობელს კი (რომელსაც შესაძლოა მოტეხილი აქვს ფეხი) არ მოუწევს ადგომა.

სამაჯური-სანთებელა

გამოიყურება მოდურად, მაგრამ ამ გამოგონებას ორი აშკარა მინუსი აქვს. ჯერ ერთი, ის უნდა ატარო საათის ნაცვლად, ეს კი იმას ნიშნავს, რომ საათის გარეშე რჩებით. მეორე, ჩვეულებრივ სანთებელაზე ბევრად მოუხერხებელია. მაშინ, რისთვის არის საერთოდ?

დასაკიდი მინი-საფერფლე ჟილეტისთვის

გამოიყურება არაპრაქტიკულად: ცოტა ხანში ჟილეტი ჯიბის ირგვლივ ფერფლით და ნამწვით დაიფარება.

პორტსიგარი ნუდისტებისთვის

გამოიყურება მახვილგონივრულად! თუმცა დღეს გამოიყურება, შინაპატიმრობაში მყოფი ადამიანის ელექტრონული სამაჯურივით.

პორტსიგარი "ჟმოტისთვის"

ეს პორტსიგარი სპეციალურად მათთვის არის შექმნილი, ვინც პაპიროსსაც კი ვალში აძლევს. მასზე დამონტაჟებულია პატარა მექანიკური მრიცხველი, გაცემული ღერების რაოდენობის ასათვლელად და დასამახსოვრებლად. თუმცა ნამდვილი ძუნწი არასოდეს იყიდის ასეთ ძვირფას პორტსიგარს.

მოწყობილობა მათთვის, ვინც თვალებს იცავს კვამლისგან

წარმოუდგენლად მოსახერხებელია, თუ არ გეშინიათ თმების და ქუდის შეტრუსვის. მთავარი მინუსი-მთელი ზურგი ფერფლით დაიფარება.

პაპიროსის მომტანი ტარაკანი

ასეთი ტარაკანი ციხის პატიმრებისთვის ალბათ შეუფასებელი იქნებოდა.

პაპიროსის დამჭერი საფერფლით

მასიური და საშინლად მოუხერხებელი მოწყობილობა მათთვის, ვისაც არ სურს ფერფლი გარშემო მიმოფანტოს. ეს ხელზე მისამაგრებელი საფერფლე გამოიყურება უფრო როგორც თავდაცვის საშუალება, ვიდრე დევაისი მწეველებისთვის.