საზოგადოებრივი ძველი ეგვიპტელების ალქიმიური საიდუმლოებანი 2021, 27 ივლისი, 9:15 ისტორიაში, ოქროს შესახებ, არსებობს ერთი, ე. წ. გვერდითი განშტოება — ალქიმია, რომელიც კულტურის ერთგვარი ფენომენი და ქიმიის, ფილოსოფიის, მეტალურგიის და პრაქტიკის ნაზავია. ხოლო, მისი მთავარი ამოცანა, ლითონის გარდაქმნა, «ტრანსმუტაცია» არის. მეცნიერების ეს დარგი, ძველ ეგვიპტეში ჩაისახა... ის არაერთი საუკუნეა რაც არსებობს და უამრავი მცდელობის მიუხედავად, მისი გაქრობა, ამოძირკვა მაინც ვერ მოხერხდა. რა იზიდავს ხალხს ამ სფეროში? ალბათ ის, რომ უამრავი ლეგენდის გარდა, ბევრი ისტორიული ფაქტიც არსებობს, რომლის ჭეშმარიტებას ე. წ. ფუნდამენტალური მეცნიერების წარმომადგენლები არც უარყოფენ და არც ადასტურებენ.
ქურუმების მიერ დაგროვილი ცოდნა, ლითონების, მათი წარმოების და თვისებების შესახებ, ეგვიპტის ე. წ. «წმინდა ხელოვნება», თავისი პირვანდელი სახით, ჩვ. წ. აღრ. III – IV საუკუნემდე არსებობდა. ლითონის ოქროდ გადაქცევის საიდუმლო კი, მხოლოდ რჩეულებს გადაეცემოდათ, ისიც ქურუმების ან ფარაონის თანხმობის შემთხვევაში. ხოლო, ამ გზით მიღებული, ოქროს მოხმარების უფლება მხოლოდ ფარაონებს ჰქონდათ და მათ გარდა, არავის!
გავიდა ორი საუკუნე და ეგვიპტეში, ახლა მიდიელები და სპარსები შეიჭრნენ. დამპყრობლებმა მაღაროები დაიკავეს, მაგრამ ექსპლუატაციისთვის ცოდნა არ გააჩნდათ. მათ ქურუმებიც დაატყვევეს, მაგრამ ამ უკანასკნელებმა, მეტალურგიული ოპერაციების საიდუმლო არ გაამხილეს და მტერს მხოლოდ ოქროს მოპოვების რამდენიმე ხერხი გააცნეს. ეგვიპტურ ალქიმიასთან და ალქიმიკოსებთან დაკავშირებით, ჩვენამდე მხოლოდ ორმა დოკუმენტმა მოაღწია, რომელიც ნათელს ჰფენს ეგვიპტის უძველესი ხელოვნების ზოგიერთ საიდუმლოს. მათ შორის, ერთ–ერთი, ე. წ. სტოკჰოლმის პაპირუსია (სტოკოლმში ინახება), რომელშიც «ძვირფასი ქვების» შექმნის ინსტრუქციას შეიცავს, უფრო ზუსტად კი, მინის სხვადასხვა ფრად შეღებვის ტექნოლოგიას. ხოლო, მეორე — ლეიდენის (ნიდერლანდები) პაპირუსი — რეცეპტების ნაკრებია, რომელსაც ოქრომჭედლები და მეტალურგები იყენებდნენ.
არხის სხვა სიახლეები:1. ატლანტიდის მეტოქე — რამას იმპერია 2. ფოტონაკრები – «მზე, ზღვა და გოგონები» 4. დაავადებები, რომელსაც ტყუილის თქმა, მატყუარობა იწვევს 5. პირამიდაში ნაპოვნი «ენერგიის კვერთხის» საიდუმლო 6. ჭარბი წონის «წამალი», რომელიც დაუფასებელია დიეტოლოგების მიერ. ბანანის დიეტა 189 2-ს მოსწონს
|