სლოვაკურმა კომპანია Klein Vision–მა განახორციელა ის, რაც კაცობრიობის ისტორიაში არასდროს მომხდარა(ყოველ შემთხვევაში თვითონ ასე ამბობენ)რომ -მფრინავმა ავტომობილმა განახორციელა შორეული გაფრენა.

კომპანიის პრესსამსახურის ცნობით, ავტომობილის პროტოტიპმა სახელწოდებით AirCar, 35 წუთში დაფარა 85 კილომერიანი მანძილი ნიტრასა და ბრატისლავას შორის.

”დაჯდომისა და ღილაკზე დაჭერის შემდეგ, თვითმფრინავმა შეიკეცა ფრთები და სულ რაღაც სამ წუთში გადაიქცა სპორტულ ავტომობილად, რომელზეც კომპანიის დამფუძნებელი, პროფესორი სტეფან კლეინი მართავდა, იგი ბრატისლავას ცენტრისკენ წავიდა”, - ნათქვამია შეტყობინებაში.

თავად ინჟინერმა კლაინმა აღნიშნა, რომ მანქანა ჰაერში მანქანა " შესანიშნავად იქცეოდა". კომპანიამ აღნიშნა, რომ ჩვეულებრივი მანქანა ნიტრასა და ბრატისლავას შორის გზის დაფარვას ორჯერ მეტხანს მოუნდებოდა.

კომპანიის წარმომადგენლების განცხადებით, AirCar– ის პროტოტიპი აღჭურვილია 160 ცხენის ძალის მქონე BMW-ს ძრავით, ფიქსირებული ბიძგის პროპელერით, რომელიც საშუალებას აძლევს 190 კმ / სთ სიჩქარე განავითაროს 2, 5 კმ – ის სიმაღლეზე. საგანგებო სიტუაციების შემთხვევაში ბორტზე ბალისტიკური პარაშუტია.

მოწყობილობის შემუშავებას ორი წელი და მინიმუმ ორი მილიონი ევრო დასჭირდა. მანქანამ ჰაერში დაახლოებით 40 საათი გაატარა. უახლოეს მომავალში კომპანია აპირებს წინასერიული პროტოტიპის წარმოებას 300 ც.ძ. ძრავით, რომელსაც ჰაერში 300 კმ / სთ სიჩქარის განვითარება და ფრენით 1000 კმ-ის დაფარვა შეეძლება.

სტეფან კლაინმა ჟურნალისტებთან ინტერვიუში აღნიშნა, რომ მისი "პირმშო" არ არის გამიზნული სლოვაკეთისთვის და ზოგადად მჭიდროდ დასახლებული ევროპული რეგიონებისთვის. მას იმედი აქვს, რომ, რომ AirCar– ის მიმართ ინტერესს გამოიჩენენ ის ქვეყნები, სადაც არ არის განვითარებული სატრანსპორტო ინფრასტრუქტურა, მაგრამ ამავე დროს, აუცილებელია გრძელი მანძილის დაფარვა.