ამერიკელად ყოფნა ნიშნავს თავისუფლებას, მითუმეტეს კი, როცა საქმე შემოქმედებას ეხება. ასე რომ, როცა ამ ქვეყანაში ცხოვრობთ, აბსოლუტურად ვერაფერი შეგიშლით ხელს, თქვენთვის განკუთვნილი წერილი, ყველაზე უცნაური საფოსტო ყუთიდან მიიღოთ. შეგიძლიათ, გზავნილისთვის განკუთვნილი ყუთი აქციოთ ბეტმენად, ძროხად, ან მისცეთ ნებისმიერი სახე, რაც გსურთ.

წარმოგიდგენთ ამერიკის შეერთებულ შტატებში არსებულ, ყველაზე უცნაურ და ინოვაციურ საფოსტო ყუთებს.

"კატა ქუდში"

მას, ვინც იცნობს დოქტორ სეუსს და მის ექსცენტრიულ საბავშვო მოთხრობებს, იცის, რამდენად მნიშვნელოვანია ეს განსაკუთრებული კატა ამერიკელთათვის. ყოველ შემთხვევაში, ამ ფოსტის პატრონმა ნამდვილად იცის ეს და როგორც ჩანს, იუმორის შესანიშნავი გრძნობაც აქვს.

უსარგებლო წერილები არ გვჭირდება

ყველას მიგვიღია წერილი, რომელიც არაა მნიშვნელოვანი, თუმცა, ელექტრონული ფოსტისაგან განსხვავებით, ჩვენს საფოსტო ყუთებს არ აქვთ სპამის საქაღალდეები. როგორც ჩანს, სწორედ ამის შეცვლა სურდა იმ ადამიანს, ვისაც ეს გონივრული და პრაქტიკული ყუთი ეკუთვნის.

თევზაობა

ერთ-ერთი რამ, რაც ამერიკელებს უყვართ, თევზაობაა. აშკარაა, რომ ამ სახლში მეთევზე ცხოვრობს, რომელსაც სურს მსოფლიოში თევზაობის სიყვარული გაავრცელოს.

სამი სურვილი

თუ ფოტოს კარგად დააკვირდებით, დაინახავთ წარწერას: "მაკოცე და ერთ სურვილს შეგისრულებ". რა გაეწყობა, თუ სამი არ იქნება, ერთი მაინც სჯობს არაფერს. ასე რომ, შეგიძლიათ ისარგებლოთ ამ უცნაური ჯინით.

სიჩქარის საჭიროება

კიდევ ერთი მთავარი გატაცება, რომელიც ამერიკელებშია გავრცელებული, ავტომობილების სიყვარულია. როგორც ჩანს, ამ სახლში მცხოვრებ ადამიანს უყვარს მანქანები, რადგან მზად იყო საფოსტო ყუთი მანქანის ძრავისთვის დაემსგავსებინა.

სამყაროს გარდაქმნა

ეს ადამიანი, რომელსაც საკუთარი საფოსტო ყუთი ტრანსფორმატორად გადაუქცევია, ჩანს, ძლიერ აფასებს ამ მოწყობილობის მუშაობას.

ნავის ძრავა

თუ გაინტერესებთ, სინამდვილეში ეს ნავის ძრავაა. ცხადია, ამ ოჯახისთვის, გაზონზე ასეთი საფოსტო ყუთის დადგმა, იმ დროის შეხსენებაა, როდესაც ერთ-ერთი წევრის სამუშაო, ღია ოკეანეს უკავშირდებოდა.

ზვიგენის თავდასხმა

ამ საფოსტო ყუთის მფლობელს, შესაძლოა, შთაბეჭდილების მოხდენა სურს თავის პატარა ვაჟზე. მართალია, ეს ზვიგენი, ძალიან ჰგავს მულტფილმის გმირს, თუმცა, საკმაოდ საშიშადაც გამოიყურება.

ზვიგენის თავდასხმა: ნაწილი მეორე

თუ, წინა საფოსტო ყუთზე გამოსახული ზვიგენი მსხვერპლის გარეშეა წარმოდგენილი, ამ შემთხვევაში, მის პირში მოქცეული თევზი, სულ სხვა რამეზე მეტყველებს.

საფოსტო ყუთი - "ფუტურამა"

ეს საფოსტო ყუთი, რა თქმა უნდა, იმაზე მიგვანიშნებს, რომ მისი მესაკუთრე, აქტიური მაყურებელია მულტფილმის "ფუტურამა". სწორედ ამიტომ დგას ბენდერი მის სახლთან. ამასთან, უცნაურ რობოტს ლანგარი უჭირავს ხელში. მადლობას გიხდით გულთბილი დახვედრისთვის, ბენდერ!

ბნელი რაინდი

რა არის იმაზე უკეთესი გზა ფოსტალიონის მისასალმებლად, ვიდრე საფოსტო ყუთი, რომელიც ბეტმენს ჰგავს? და თუ მას სუპერგმირები უყვარს, კიდევ უკეთესი!

ეს კომიქსი, თითქმის საუკუნეა არსებობს და მის მიხედვით გადაღებული უამრავი ფილმიც გამოვიდა. ამ კონკრეტულ საფოსტო ყუთზე კი, ბრიუს უეინის ერთ-ერთი ყველაზე საყვარელი ვარიანტია წარმოდგენილი.

ლითონის სატვირთო

არ ვიცით, სახლის პატრონმა, ხელოვნების რომელიმე მაღაზიაში შეიძინა, თუ თავად შექმნა ეს სატვირთო მანქანა, თუმცა, ერთი რამ ცხადია - იგი საოცრად უხდება გაზონს.

ფერმის ხიბლი

გაგიღვიძიათ მამლის ყივილის ხმაზე? ბევრისთვის ეს სულაც არაა სასიამოვნო. საბედნიეროდ, ამ შემთხვევაში, ასეთი რამ არ გემუქრებათ.

თუ გსურთ, დატკბეთ მამლის ფერადი ვიზუალით, შემაშფოთებელი განგაშის ზარის გარეშე, ეს საფოსტო ყუთი იმედს ნამდვილად არ გაგიცრუებთ.

რეტრო მიკროტალღური ღუმელი

ზოგიერთი მიკროტალღური ღუმელი იმდენად ძველია, რომ აღარასოდეს იმუშავებს, მაგრამ ეს სულაც არ ნიშნავს, რომ ნაგავში უნდა გადააგდოთ. თუ თქვენ ის ხართ, ვინც რეტრო ნივთებით ტკბება, მაშინ ნამდვილად დააფასებთ ამ ღუმელს წარსულიდან, რომელიც საფოსტო ყუთად გადაკეთდა. შესაძლოა, ამ შემთხვევამ სტიმული მოგცეთ, რომ იგივე გააკეთოთ საკუთარი მოძველებული საყოფაცხოვრებო ნივთებითაც.

მხოლოდ გული რომ მქონდეს

გაზონზე მდგარი ეს კალის კაცი, ფილმიდან "ოზის ჯადოქარი", ნამდვილად იმსახურებს კეთილგანწყობას. წარმოდგენაც არ გვქონდა, რომ ამ გმირს, ყვითელი აგურის გზის გავლის შემდეგ, აქ შევხვდებოდით.

ქალი წითლებში

ეს საფოსტო ყუთი შესანიშნავად ასახავს თამბაქოს კვამლში გახვეულ, ყოველდღიური შესვენებების რუტინას.

გოლფის მოედანი

გოლფი, ამერიკული კულტურის ერთ-ერთი ძირითადი ნაწილია. ამ სპორტის ნებისმიერი მოთამაშე დაგვეთანხმება, რომ ეს თამაში, დასასვენებლად და გასართობად, შაბათ-კვირის შესანიშნავი აქტივობაა. ამიტომ, სულაც არაა გასაკვირი, რომ ამ გაზონზე, სწორედ ასეთ საფოსტო ყუთს წავაწყდით.

მთელი სამყარო ჩემს ხელში

ამ შემთხვევაში, მთვარის თემატური საფოსტო ყუთის გარდა, ვცდილობთ გავიგოთ, რატომ არის გალავნის მიღმა დედამიწის გიგანტური სფერო.

ცხადია, ესენი არიან ადამიანები, რომლებსაც კოსმოსური სამყარო ძალიან უყვართ.

"ვარსკვლავური ომები"

აშკარაა, რომ ამ სახლის მეპატრონე "ვარსკვლავური ომები"-ს გულშემატკივარია და ყოველდღე, სამსახურიდან დაბრუნებულს, სიამოვნებას ანიჭებს გაზონზე ამ რელიქვიის დანახვა.

ფოსტა "დიდი ბიჭი"

ამერიკაში ერთ-ერთი ყველაზე ცნობილი და ყველასათვის საყვარელი სწრაფი კვების ქსელია "Big Boy". სწორედ ამ ობიექტის სიმბოლოს წარმოადგენს ეს საფოსტო ყუთი.

საფოსტო ყუთი "Apple"

IPad, iPhone, ან თუნდაც Mac-ის ნაცვლად, ეს საფოსტო ყუთი არის Apple-ის ადრეული პროდუქტი, რომელიც დიდად არ განსხვავდებოდა ვინტაჟური კომპიუტერისგან. იგი დღევანდელ რეალობაში ისე ჩანს, როგორც დინოზავრი.

მოტოციკლეტის სახელური

ამ მოტოციკლეტის სახელური ისეთი სტილისაა, რომელსაც დღეს ხშირად ნამდვილად ვერ შევხვდებით. იგი არაფრით განსხვავდება ჰარლი დევიდსონის მოტოციკლეტის, ან 80-იანი წლების სტილის ორთვლიანი ველოსიპედისგან. ამ სახელურს გარკვეული ნოსტალგია აქვს, რის გამოც მას ხუთ ვარსკვლავს ვანიჭებთ.

საფოსტო ყუთი - ძროხა

მამლის მსგავსად, რომელზეც ზემოთ ვისაუბრეთ, ამ შემთხვევაშიც მხოლოდ საფოსტო ყუთის ვიზუალით ისიამოვნებთ და არ მოგიწევთ ძროხის ბღავილთან და მის საშინელ სუნთან გამკლავება.

მყვინთავი

სხვა საფოსტო ყუთებისგან განსხვავებით, ეს მყვინთავი კერძო მესაკუთრეს არ ეკუთვნის, იგი მუზეუმის საკუთრებაა.

წიგნის სიყვარული

ტექნოლოგიების განვითარებამ შესაძლებელი გახადა ელექტრონული წიგნების არსებობა, მაგრამ ის ვერასდროს შეედრება წიგნის სუნსა და სითბოს. როგორც ჩანს, ამ საფოსტო ყუთის მფლობელს ეს კარგად ესმის და სახლშიც აქვს მთელი ოთახი, რომელიც სავსეა რომანებით, სათავგადასავლო, კომედიური, თუ სხვადასხვა ჟანრის ლიტერატურით.

თოვლიანი ფოსტა

გსურთ თოვლის კაცის აშენება? აი, ჩვენ ნამდვილად გვინდა, თუ გვეცოდინება, რომ ისეთივე საოცარი იქნება, როგორც ეს საფოსტო ყუთი. თუმცა, ამ შედევრის შემქმნელმა უნდა იცოდეს, რომ მისი ნამუშევარი მზის ამოსვლისთანავე განადგურდება.

ფარშევანგის ფოსტა

ეს საფოსტო ყუთი ჩვენი ერთ-ერთი ფავორიტია, რადგან შეუძლებელია არ დააფასო შემქმნელის არაჩვეულებრივი ნამუშევარი და ერთი შეხედვისთანავე არ შეგიყვარდეს ეს მშვენიერი ფარშევანგი.

ჩვენ ნამდვილად გვიყვარს გოლფის ბურთები

როგორც ჩანს, ფოსტის ფუნქციის მქონე გოლფის ბურთები საკმაოდ გავრცელებული ტენდენციაა ამერიკაში.

საინტერესოა, რატომ არ ხდება ასეთი საფოსტო ყუთების შემოდინება ქვეყნის მასშტაბით? ამერიკელების გოლფისადმი სიყვარულიდან გამომდინარე, ეს ნამდვილად ლოგიკური იქნებოდა.

ასევე დაგაინტერესებთ:

ძეგლები, რომლებიც ღიმილს მოგგვრით (26 ფოტო)

მსოფლიოს ყველაზე კრეატიული და უცნაური სკამები, რომლებიც საზოგადოების თავშეყრის ადგილებშია განთავსებული (22 ფოტო)