დრო რომ მართლაც საოცარი სისწრაფით გადის, ამას განსაკუთრებით საკუთარი ფოტოარქივის დათვალიერებისას ვგრძნობთ. ვიხსენებთ, გვეღიმება და ხშირად ალბათ, ძალიან გვინდა იმ ყველაზე უდარდელ წლებში დავბრუნდეთ.

ეჭვგარეშეა, სწორედ ეს ნოსტალგია გახდა სტიმული იმ ადამიანებისთვის, რომლებმაც ბავშვობიდან აღებული ის სახალისო კადრები გაიმეორეს, რომლებიც ყველაზე თბილ მოგონებებთან იყო დაკავშირებული. თითოეულ ფოტოში კარგად ჩანს, თუ როგორ მოინდომეს და-ძმებმა ზედმიწევნით ზუსტად გაემეორებინათ წარსულის კადრები და დროებით ისევ ბავშვებად ქცეულიყვნენ. იგივე ადგილები, იგივე სცენები, მათ თითქოს ცოტახნით უკან დააბრუნეს წლები. შთაგონების წყაროდ ქცეული ბავშვობის პერიოდი იმდენად მძაფრი აღმოჩნდა, რომ შედეგად, ფოტოები საოცრად სახალისო და შთამბეჭდავი გამოვიდა.

თავადაც შეგიძლიათ მოაწყოთ მსგავსი ფოტოსესია, გააცოცხლოთ ბავშვობის ლაღი დღეები და შექმნათ კიდევ უფრო თბილი და სახალისო წუთების ნაკრები, რომელიც უფრო მეტად დაუვიწყარი გახდება თქვენთვის და თქვენი ოჯახის წევრებისთვის.

გამორიცხულია ღიმილის გარეშე დაათვალიეროთ უკვე ზრდასრული დედმამიშვილების ფოტოები, რომლებმაც ბავშვობის სცენები წარმატებით მოირგეს.