დალოლი მდებარეობს აფრიკის კონტინენტზე, ეთიოპიაში, დანაკილის უდაბნოში. თუ მას ეწვევით, თქვენს თვალწინ გადაიშლება სულ სხვა პლანეტა. დალოლის წყაროები, გეიზერები განლაგებულია ვულკანის კრატერის შიგნით, დანაკილში.

დალოლი დედამიწის ერთ-ერთი ყველაზე დაბალი ადგილია და ყველაზე ცხელიც. ზედაპირზე წყალი დუღს, მარილიანი და მჟავეა. ქიმიური ნივთიერებები, როგორიცაა გოგირდი, გეიზერს აძლევს მკვეთრ, ხასხასა ყვითელ ფერს. გეიზერები, ასევე, გამოყოფენ ტოქსიკურ (მომწამვლელ) გაზებს. რეგიონში ამდენი საფრთხის არსებობის მიუხედავად, დალოლი ტურისტებისათვის ერთ-ერთი ყველაზე მიმზიდველი ადგილია მსოფლიოში.