"ოროსანი იურისტი ხარ, წერა არ იცი, კითხვა არ იცი, მოსმენაც არ იცი?! ნუ კეკლუცობ!"
უხერხულია, როცა პარლამენტის ტრიბუნიდან ამა თუ იმ საკითხზე საქმიანი მსჯელობისას დეპუტატები ერთმანეთს პირად შეურაცხყოფებს აყენებენ.
"პარლამენტი ნამდვილად არ არის ის ადგილი, სადაც უნდა ბრძანდებოდე. სახეს ნუ კარგავთ! ნამდვილად არ იცით, სად ხართ. შოუმენი ხართ! ერთი არგუმენტიც ვერ მოიყვანეთ, ნულპროცენტიანო. ოროსანი იურისტი ხარ, წერა არ იცი, კითხვა არ იცი, მოსმენაც არ იცი?!... ნუ კეკლუცობ!" - ასე მიმართა ადამიანის უფლებათა დაცვისა და სამოქალაქო ინტერგრაციის კომიტეტის სხდომაზე თავმჯდომარის მოადგილემ ალუდა ღიუდუშაურმა კოლეგას - „ლელოს“ წევრს ლევან სამუშიას. ამ მიმართვის კორექტული მრავალი ალტერნატივა არსებობს და უხერხულია, როცა მომავალი თაობები ასეთ მიმართვებს უსმენენ ქვეყნის საკანონმდებლო ორგანოდან, რომელიც ეთიკური ნორმების ფარგლებს არ უნდა სცდებოდეს. როცა პარლამენტში ქცევაზე მიუთითებ კოლეგას (!), უარესად არ უნდა იქცეოდე და ასე არ უნდა მიმართავდე არავის, რა განსხვავებული პოზიციაც არ უნდა ჰქონდეს მას. მერე ერი და ბერი ვწუწუნებთ, საიდან ამდენი აგრესია ხალხშიო, თევზი თავიდან ფუჭდება, წყალი სათავიდან იმღვრევა. ეს თვითონ პარლამენტის, როგორც ინსტიტუციის იმიჯს ასწორებს მიწასთან. არ ხართ სკოლის დერეფანში და არც ქუჩის ბირჟაზე, რომ ოროსნები ეძახოთ ერთმანეთს!
ღუდუშაურის განცხადებას დარბაზიდან ლევან სამუშიამ უპასუხა და აღნიშნა, რომ „ნაციონალურ მოძრაობასაც“ არ გაუკეთებია ის, რასაც „ქართული ოცნება“ აკეთებს - „საკუთარი თავის ამნისტირება“.
„მე ვარ იქ, სადაც საქართველოს მოქალაქე უნდა იყოს ამ კონკრეტულ შემთხვევაში. მიმაჩნია, რომ ჩემი მოვალეობაა აქ ვიყო. თქვენ თუ კომიტეტის თავმჯდომარის ადგილზე გადმოგიყვანეს, შეგცვალეს და უფრო მკაცრის დაჭერას აპირებთ, არ ვიცი. ასეთი საუბარი ჩემთან არ გასვლია არავის. ვკეკლუცობ კია რა წესიერად მესაუბრეთ. ჩემთან ეს საუბარი არ გაგივათ. სისხლიან ღამე მოაწყვეთ, გამოდიხართ და საკუთარი თავის ამნისტირებას ცდილობთ. ჩემს კვალიფიკაციას რომ ეხები, ამ შემთხვევაში არგუმენტი არ გაქვს მეტი“, - განაცხადა ლევან სამუშიამ.
ნებისმიერი მხარისგან, პოზიცია იქნება თუ ოპოზიცია, მიუღებელი და სამარცხვინოა, როცა ზრდასრული ადამიანები ასე მიმართავენ ერთმანეთს!
ამიტომ ეხვეწებოდნენ ოპოზიციას პარლამენტში შესულიყო, რომ მერე ასეთი ორღობის ტესქტებით ფეხქვეშ გაეგდოთ ოპონირების პროცესში?
გვაჩვენეთ ოპონირების მაღალი კულტურა, თუ პანდემიით და თუ ეკონომიკური კრიზისით ისედაც დაზაფრულ ხალხს!
აღარ გვინდა პური და სანახაობა!
მე რაღაც მომენტის გამო იძულებული ვარ ვუსმინო სხდომებს, რადგან ხმამაღლაა ჩართული სხდომები სახლში და სრული შოკი მაქვს! იძულებული ვარ, თორემ ამათ რა მომასმენინებდა სხვა შემთხვევაში!
.
ოცნებამ შეათრია პარლამენტში თავის დროზე, მერე სიაში, რომ არ ჩასვეს ეგრევე შეიცვალა ბანაკი.