ნატალია რუდენკო ქალაქ ვოლგოგრადიდან ცნობილი გახდა, როგორც "რუსეთის ყველაზე მსუქანი ქალი". ორი წლის წინ, 36 წლის ასაკში, ის იწონიდა 280 კილოგრამს, ხოლო სიმაღლე 166 სანტიმეტრი იყო. ვოლგოგრადელმა ქალმა შეძლო საოცარი გარდაქმნა, 150 კილოგრამი დაიკლო და შემდეგ გათხოვდა კიდეც.

"თავიდან უბრალოდ არ მჯეროდა რომ წონაში დავიკლებდი. ვხედავდი, რომ სასწორზე რიცხვები მცირდებოდა, თუმცა ვერ ვაცნობიერებდი ამას. ვერ ვხვდებოდი და საკუთარ თავს ვარწმუნებდი: ალბათ ეს ყველაფერი დროებითია. შემდეგ დავიჯერე და ვთქვი: "არა, ძვირფასო, შენ წონაში იკლებ. ყველაფერი კარგადაა. მიდი მიაწექი, ნამდვილად წონაში იკლებ".

მაგრამ 2020 წლის შემოდგომაზე 38 წლის ნატალიას სხვა უბედურება დაატყდა თავს. კორონავირუსით დაინფიცირდა. თავდაპირველად, ის არც ფიქრობდა, რომ ამ დიაგნოზზე, დაღლილობა ვიტამინების ნაკლებობას მიაწერა. თუმცა ტესტირების შემდეგ სიმართლე გაირკვა. დაავადება ძალიან რთულად წარიმართა.

"ვცდილობდი ფრთხილად ვყოფილიყავი. მაგრამ მაინც ვერ გადავურჩი. ძალზე მძიმედ ვიყავი, მიუხედავად იმისა, რომ სახლში დავრჩი. სინამდვილეში უბრალოდ ვკვდებოდი, ძალიან რთული იყო"-ნატალია რუსენკო.

თითქოსდა საშინელი დაავადება დაამარცხა, მაგრამ ნატალიას დასუსტებულმა ორგანიზმმა ვეღარ გაუძლო და გარდაიცვალა.

ნათესავების თქმით, ქალმა ვეღარ გადაიტანა პოსტკოვიდური პერიოდი, წერს V1.RU.

"თავიდან ის იყო მე -16 საავადმყოფოში, შემდეგ 22-ში, რა დროსაც მას ფილტვებში ნახვრეტი აღმოუჩინეს. შემდეგ სასწრაფოდ გადაიყვანეს რეგიონალურ საავადმყოფოში, სადაც გარდაიცვალა კიდეც", - განაცხადეს დამწუხრებულმა ნათესავებმა.