საზოგადოება „ტესტებით ვერ უზრუნველგვყოფენ, მიუხედავად მილიონობით გრანტისა“ - კორონა „მთავარი არხში“ 2020, 11 ნოემბერი, 13:06 ![]() „მთავარ არხზე“ კორონავირუსის ახალი შემთხვევა დაფიქსირდა. ტელეკომპანიაში გიორგი გაბუნიას შემდეგ კიდევ ერთი ცნობილი ტელესახის კოვიდინფიცირებას ადასტურებენ. მაუწყებელში იქვე იმასაც ამბობენ, რომ ქვეყანა ვერ უზრუნველყოფს კოვიდინფიცირებულებისთვის ტესტირების დროულად ჩატარებას და ამისათვის 10 დღიანი ლოდინი უწევთ. . ჟურნალისტი და გაერთიანებული ოპოზიციის მაჟორიტარობის კანდიდატი ნანუკა ჟორჟოლიანი სოციალურ ქსელში ახალ სტატუსს აქვეყნებს და წერს, რომ „თავარი არხის“ ჟურნალისტს, ეკა გაგუას კორონავირუსი დაუდასტურდა. .
როგორც ჟურნალისტი წერს, ეკას დედა და შვილი რისკ-ჯგუფში არიან. მიუხედავად ამისა, მათ ტესტს 20 ნოემბრამდე ვერ უკეთებენ. . „ჩვენს კოლეგასა და მეგობარს, ეკა გაგუას აღმოაჩნდა კოვიდი. რისკ-ჯგუფში არიან დედა და შვილი. დღეს, 11 ნოემბერს დარეკა ცხელ ხაზზე და ითხოვა ოჯახის წევრებისთვის ტესტების გაკეთება. პასუხად მიიღო მათ ჩაწერენ 20 ნოემბერს. . სინამდვილეში, კოვიდირებული საქართველოს რეალობა არის ეს. მიუხედავად გამოყოფილი მილიონობით გრანტისა, სასუნთქი აპარატებით კი არა, ტესტებით ვერ უზრუნველყოფენ ადამიანებს“, - წერს ნანუკა ჟორჟოლიანი. . დღეის მდგომარეობით, 24 საათის განმავლობაში გამოვლენილია ინფიცირების 2 911 ახალი დადასტურებული შემთხვევა, - ამის შესახებ უწყებათაშორის საკოორდინაციო საბჭოსთან არსებული ოპერაციული შტაბის უფროსმა ალექსანდრე ხოჯევანიშვილმა, მთავრობის ადმინისტრაციაში გამართულ ბრიფინგზე განაცხადა. . მან კორონავირუსთან დაკავშირებით უახლეს სტატისტიკურ მონაცემებსა და ბოლო 24 საათში მთავრობის მიერ გატარებული ღონისძიებების შესახებ ისაუბრა. . „დღეის მდგომარეობით, 24 საათის განმავლობაში გამოვლენილია ინფიცირების 2 911 ახალი დადასტურებული შემთხვევა. პირველი ინფიცირების შემთხვევიდან დღემდე ქვეყანაში გამოვლენილი კოვიდ 19-ის დადასტურებული შემთხვევების საერთო რაოდენობა 66 561-ს შეადგენს. . გამოჯანმრთელებული ადამიანების ზრდის კუთხით დღეის მდგომარეობითაც ვინარჩუნებთ პოზიტიურ დინამიკას. კერძოდ, ბოლო 24 საათში გამოჯანმრთელდა 2 421 პირი, ხოლო ჯამში გამოჯანმრთელებულთა რაოდენობა გაიზარდა 49 811-მდე. . სამწუხაროდ, ბოლო 24 საათში გარდაიცვალა 45 ადამიანი. მათ შორის თბილისში - 18, აჭარაში - 14, იმერეთში - 7, ქვემო ქართლში - 3, კახეთში - 2, ხოლო სამეგრელო-ზემო სვანეთში - 1 ადამიანი. 2020 წლის 26 თებერვლიდან დღემდე სულ გვაქვს 566 გარდაცვალების შემთხვევა. . დღეს გამოვლენილი 2 911 შემთხვევიდან, დედაქალაქისა და რეგიონების მიხედვით მაჩვენებლები გამოიყურება შემდეგი სახით: თბილისში გამოვლენილია 1 056 შემთხვევა, აჭარაში - 476, იმერეთში - 469, ქვემო ქართლში - 201, შიდა ქართლში - 134, გურიაში - 76, სამეგრელო - ზემო სვანეთში - 294, კახეთში - 69, მცხეთა-მთიანეთში - 19, სამცხე-ჯავახეთში - 92, რაჭა-ლეჩხუმსა და ქვემო სვანეთში - 25. , ამ ეტაპზე აქტიური ინფიცირებული შემთხვევა არის 16 158. 4 878 ადამიანი მკურნალობს საავადმყოფოში, მათ შორის, თბილისის საავადმყოფოებში - 2 373, აჭარაში - 787. მძიმე პაციენტი გვყავს 632, მათ შორის, თბილისში - 306, აჭარაში - 111. აქედან, ხელოვნური სუნთქვის აპარატზე არის 308 პირი - მათ შორის, თბილისში - 146, აჭარაში - 105. 3 181 ადამიანი არის კოვიდ-სასტუმროში, მათ შორის, 1 569 - აჭარაში, ხოლო 1 088 - თბილისში. 8 099 პირი მკურნალობს ბინაზე. . საკარანტინე სივრცეში გვყავს 2 656 ადამიანი, მათ შორის, თბილისში - 508, აჭარაში-1 328. . სულ 6 ოქტომბრიდან - 10 ნოემბრის პერიოდში, საზღვრიდან გადაყვანილია 14 098 პირი. , დღეის მდგომარეობით, თვითიზოლაციაში იმყოფება 39 721 ადამიანი, საიდანაც თბილისში არის 6 568 პირი, აჭარაში - 16 826, იმერეთში - 4 385“, - განაცხადა ალექსანდრე ხოჯევანიშვილმა. 142 შეფასება არ არის
|