.

2020 წლის საპარლამენტო არჩევნები დასრულდა. ყველა ეგზიტპოლისა და ცესკოს წინასწარი მონაცემებით, პროპორციული სიით „ქართული ოცნება“ ლიდერობს, ხოლო მაჟორიტარულ ოლქების უმრავლესობაში მეორე ტური გაიმართება.

არჩევნების შედეგებს ბიზნესმენი, ტელეკომპანია რუსთავი2-ის მფლობელი, ქიბარ ხალვაში სოციალურ ქსელში გამოეხმაურა. ხალვაში ფიქრობს, რომ ბუბას რუსულმა სიმღერამ სააკაშვილის გუნდის რეიტინგი დაწია.

.

„ბუბას გაუმარჯოს! რომ არ ემღერა უფრო გაგვიჭირდებოდა!“ - დაწერა სამაუწყებლო კომპანია „რუსთავი 2“-ის მფლობელმა სოციალურ ქსელში.

ცნობისთვის, „ნაციონალური მოძრაობის“ სიის პირველმა ნომერმა, მომღერალმა ბუბა კიკაბიძემ, საარჩევნო კამპანიის დახაურვისას თბილისში, თავისუფლების მოედანზე რუსულად იმღერა.

ფაქტს საზოგადოების აღშფოთება მოჰყვა, რის შემდეგაც პარტიის ლიდერებმა და მხარდამჭერებმა მომხდარი ტექნიკური ხარვეზით ახსნეს, მათ მიერ გავრცელებულ ინფორმაციაში აღნიშნული იყო, რომ ფონოგრამა შემთხვევით ჩაერთოთ.

.

„ნაციონალური მოძრაობის“ სამტრედიის, ვანის, ხონის და წყალტუბოს მაჟორიტარობის დეპუტატი, ნანუკა ჟორჟოლიანი წერს, რომ 2020 წლის საპარლამენტო არჩევნები დარღვევებით ჩატარდა.

„მკვდარი სულები, კარუსელები, სახლში აღმოჩენილი უცხო ადამიანები გავიგე, მაგრამ გადაკეთებული ოქმები გაგიგიათ? 18 ხმა ეწერა ოცნებას ოქმზე როცა ხელი მოაწერა კომისიის ყველა წევრმა და დილით აწერია 48.

არჩევნები თავზე დაგვახიეს ჰქვია ამას!

თუ გაუვათ, მეტის ღირსები ვიქნებით და თუ არ გაუვათ, გაიმარჯვებს ქართველი ხალხი“. - წერს ნანუკა ჟორჟოლიანი სოციალურ ქსელში.

.

საქართველოს თავდაცვის მინისტრი, ირაკლი ღარიბაშვილი, ავღანეთის მისიაში არჩევნების შედეგებს აქვეყნებს, სადაც მმართველ პარტიას ხმების 93, 3% აქვს მიღებული.

.

ის მადლობას უხდის საზოგადოებას მხარდაჭერისთვის.

„ავღანეთის მისიაში არჩევნების შედეგები:

პარტია „ქართული ოცნება-დემოკრატიული საქართველო“

.

მაზარი შარიფი - 84, 7%

ბაგრამი-ქაბული - 93, 3%

,

ეს ნდობა 10-ჯერ უფრო მეტ პასუხისმგებლობას მაკისრებს ჩვენი საამაყო ჯარის მიმართ, ქედს ვიხრი თქვენს წინაშე.

კიდევ უფრო დიდი მოტივაციით გავაგრძელებ ჯარის გაძლიერებას.

მადლობა!“- წერს ღარიბაშვილი.

.

მანამდე დიდი ხნის განმავლობაში ფარნაოზ ჭკადუა და ნაციონალური მოძრაობის სხვა მხარდამჭერები სოციალურ ქსელში აქტიურად ავრცელებდნენ ინფორმაციას იმის შესახებ, რომ საზღვარგარეთის მისიებში მყოფი სამხედრო მოსამსახურეები მთლიანად ნაციონალურ მოძრაობას უჭერდნენ მხარს. ეს ინფორმაციები აქტიურად ვრცელდებოდა, თუმცა ფეისბუქის ახალი სისტემის მეშვეობით, სოციალური ქსელის ფეისბუქის ადმინისტრაციამ ამ ინფორმაციას ფეიკ ამბავის ნიშანი მიანიჭა და მონიშნა, როგორც არასწორი ინფორმაცია, რათა საზოგადოება შეცდომაში არ შესულიყო. ამის გამო ეს სტატუსი სპეციალური გამაფრთხილებელი ფეიკ ნიშნით ვრცელდებოდა.

ამჯერად კი თავდაცვის მინისტრის მიერ გავრცელებულმა ინფორმაციამ რეალური მონაცემები და სააკაშვილის მხარდამჭერების ყალბი მცდელობა კიდევ ერთხელ დაადასტურა.