დღეს საქართველოში საპარლამენტო არჩევნები ჩატრადა, ეგზიტპოლების საშუალებით გამოვლენილი საპარლამენტო არჩევნების პირველადი შედეგები საზოგადოებას ოთხმა ტელეკომპანიამ შესთავაზა.

წინასწარ მონაცემებზე დაყრდნობით გამარჯვებას როგორც ოპოზიცია, ისევე „ქართული ოცნება” ზეიმობს. მოსახლეობა გაკვირვებულია იმით, რომ ბევრი მხარე საუბრობს გამარჯვებაზე და ყველა თვითკმაყოფილებას მიეცა.

გთავაზობთ ინტერნეტმომხმარებლების სახალისო რეაქციებს, რომლებიც სოციალურ ქსელში გავრცელდა.

დათო გორგილაძე: „ტრამპმა ბაიდენს დაურეკა, ჩვენც ეგრე ხო არ ვქნათო”…„რომელიღაცა იტყუება”

მანანა მანჯგალაძე: „მგონი ერთნი აღმოსავლეთ საქართველოში დასხდებიან და მეორენი დასავლეთს”

ზვიად კორძაძე: „სექსია თუ არჩევნები – ყველა კმაყოფილია”

გიორგი კალატოზი: „ეგზიტპოლების ცდომილება არის 1.5%. იმედზე 55% აიღო ოცნებამ, მთავარზე 41%. ამოცანა ვერაფერს ვერ გვეკითხება”

ირაკლი გაფრინდაშვილი: „აბა მე წავაგე?! :)))”

ამირან ვადაჭკორია: „ალბათ, რამდენიმე პარლამენტი გვექნება, თორე ერთში ამდენი გამარჯვებული ვერ შეეტევა”

.

ვიდრე ოფიციალურ მონაცემებს ცესკო გამოაცხადებს, მანამდე პოლიტიკურ სუბიექტებს საშუალება ექნებათ მხოლოდ ეგზიტპოლის შედეგებზე დაყრდნობით ზეიმი განაგრძონ. თუმცა უნდა ითქვას ისიც, . რომ ოთხივე ეგზითპოლი ერთმანეთისგან მნიშვნელოვნად განსხვავდება.

.

საქართველოს ექსპრეზიდენტი მიხეილ სააკაშვილი პრემიერობის კანდიდატურას ხსნის - ეს განცხადება სააკაშვილმა მთავარი არხის პირდაპირ ეთერში, გიორგი გაბუნიასთან ჩართვისას გააკეთა.

.

„მე არ მაინტერესებს არცერთი თანამდებობა, მათ შორის, არც პრემიერმინისტრის თანამდებობა საქართველოში. მაგრამ მე სად ვიქნები ფიზიკურად, ჩემი ქვეყნის სამსახურში, ამას გამოვაცხადებ უახლოეს დღეებში, მე არასდროს მეშინოდა არც გამარჯვებული და არც დამარცხებული ივანიშვილის, – ამის შესახებ საქართველოს ყოფილმა პრეზიდენტმა და პრემიერ-მინისტრობის კანდიდატმა, მიხეილ სააკაშვილმა განაცხადა.

„რას მოიმოქმედებს ახლა ივანიშვილი – ეცდება თუ არა გაყალბებას, არანაირი მნიშვნელობა არა აქვს, რადგან ხალხმა არჩევანი გააკეთა და მე ვურჩევდი მას, შეეგუოს, რადგან ხელისუფლებით არ იწყება ცხოვრება, მე მშვიდობიანად გადავაბარე ხელისუფლება და ასევე უნდა მოიქცეს ისიც. მიეცით ქართველ ხალხს ამოსუნთქვის საშუალება. მშვიდობიანად გადადით და არანაირი პრობლემა არ იქნება. თუ აპირებთ ათასგვარ საზიზღრობას, მე ვარ მიხეილ სააკაშვილი, მე ვარ ბოლომდე წამსვლელი. თანამდებობა არ მინდა, მაგრამ ვინც ჩემს ხალხზე ხელს აღმართავს, მზად ვართ ბოლომდე დავუპირისპირდეთ“, – განაცხადა სააკაშვილმა.

ამერიკული ორგანიზაცია Public Opinion Strategies-ის მიერ ჩატარებული ეგზიტპოლის თანახმად, „ქართულმა ოცნებამ“ ხმების 55% მიიღო, „ნაციონალურმა მოძრაობამ“ კი - 23%.

ქართული ოცნების ლიდერებმა გამარჯვება იზეიმეს და ცენტრალურ ოფისთან საზეიმო შეხვედრა გამართეს. იგივეს ამბობს ოპოზიციაც. ნაციონალური მოძრაობა გამარჯვებას უკვე ზეიმობს, თუმცა ბიძინა ივანიშვილმა განმარტა, რომ სავარაუდოდ 100 მანდატს ელოდება და კოალიციის აუცილებლობას გამორიცხავს.