ბევრი ქალი ეძებს ნაკლს საკუთარ გარეგნობაში: ისინი ფიქრობენ, რომ ძალიან თხელი თმა ან ცუდი კანი აქვთ. საბედნიეროდ, აღარ არსებობს სილამაზის უნივერსალური სტანდარტი და დღესდღეობით ყველა ქალი უნიკალურად მიიჩნევა.

ყველა ადამიანს უნდა უყვარდეს თავისი თავი და დააფასოს საკუთარი გარეგნობა. სტატიაში წარმოგიდგენთ 8 ფიზიკურ ნიშანს, რაც ადრე სირცხვილად მიიჩნეოდა, 2020 წელს კი პოპულარული გახდა. სტატიის ბოლოს შემოთავაზებული ბონუსი ნოსტალგიას გაგრძნობინებთ.

ღია ფერის შეუღებავი თმა

წარსულში ხორბლისფერი თმის ფერი მოსაწყენად მიიჩნეოდა და ქალები ასეთ თმას იღებავდნენ. დღეს რაც უფრო ბუნებრივია ქალი, უფრო მიმზიდველია ის, ამიტომაც ასეთი თმის ფერი კვლავ პოპულარული გახდა. მაგალითად ჯენიფერ ლოპეზს დღეს ამ ფერის თმა აქვს. აღსანიშნავია, რომ თმის ეს ფერი სახის ნაკვთებსაც უსვამს ხაზს და ასაკობრივი ცვლილება იმდენად აშკარა აღარ ჩანს.

ვარდისფერი ლოყები

დღეს გოგონები ამაყობენ პუტკუნა, ვარდისფერი ლოყებით. ეს მათ აახალგაზრდავებთ. არაერთი სელებრითი აფასებს ასეთ ლოყებს და უარს ამბობს პლასტიკურ ჩარევაზე, მაგალითად ჯიჯი ჰადიდი.

ჭაღარა თმა

დიზაინერები პატივს სცემენ ქალებს, რომლებიც წესებს არ ემორჩილებიან და საკუთარ სტანდარტებს ქმნიან. თმის და კანის სილამაზისთვის აუცილებელია, ის მბზინვარე, ნაზი და მოვლილი იყოს. მერე რა, თუ თმაში ჭაღარა იქნება გარეული! ბევრი ვარსკვლავი, რომელიც 40 წლისაც არაა, უარს ამბობს ჭაღარა თმის შეღებვაზე.

ბუნებრივი ტუჩები

არც ისე დიდი ხნის წინ ქალები დიდი ტუჩების ქონაზე ოცნებობდნენ, მაგრამ დღეს ეს ტრენდული აღარაა. მათ სურთ, სარკეში ჩახედვისას ბუნებრივ გამოსახულებას ხედავდნენ. გარდა ამისა, კაცებსაც უფრო მეტად ბუნებრივი ტუჩები მოსწონთ.

არაიდეალური კანის ფერი

კარდაშიანისებური სახის კანის დაკონტურების ტრენდი წარსულში დარჩა. დღეს რაც უფრო ბუნებრივია ქალის გარეგნობა (როგორც მეგან მარკლი), მით უფრო პოპულარულია ის. ვიზაჟისტები მაკიაჟს მოვარდისფრო ბლაშებსაც კი ამატებენ, რათა კანი უფრო ბუნებრივი ჩანდეს.

ჭორფლები

ჭორფლები გაზაფხულის კლასიკური ტრენდია. უკვე ის ქალები, ვისაც ბუნებრივად არ აქვთ ჭორფლები, იხატავენ მას. გარდა ამისა, დღესდღეობით ინსტაგრამზე უამრავი ჭორფლების მქონე ფილტრი გამოჩნდა და პოპულარული გახდა. ასე რომ, თუ ბუნებამ ნატურალური ლაქებით დაგასაჩუქრათ, არ გაბედოთ მისი დაფარვა!

დიდი ბარძაყები

გამხდარი სხეულის რამდენიმეწლიანი პოპულარობის შემდეგ დადგა დრო, როცა დიდბარძაყიანი ქალები გახდნენ ცნობილები. მათ შორისაა კიმ კარდაშიანი, კაილი ჯენერი, ჯენიფერ ლოპეზი, ბიონსე და სხვა არაერთი ვარსკვლავი. გვჯერა, რომ ასეთი ფორმები კიდევ დიდ ხანს იქნება ტრენდული.

ბუნებრივი ფრჩხილები

არც ისე დიდი ხნის წინ ქალი, რომელსაც მანიკური არ ჰქონდა, მოუვლელად მიიჩნეოდა. თუმცა, 2020 წელს ექიმებმა, ეკო-აქტივისტებმა და ფრჩხილის დიზაინერებმა ეს ხედვა შეცვალეს.

მანიკური ფრჩხილებს მტვრევადს ხდის. მის ყოველ მოშორებაზე იშორებთ ფრჩხილის ზედა, თხელ ფენას. შილაქის გაშრობა ულტრაიისფერი სხივებით კიდევ ერთი მიზეზია, რატომაც უარი უნდა ვუთხრათ ამ პროცედურას. ადამიანების უმეტესობამ იცის, რა მნიშვნელოვანია ულტრაიისფერი სხივებისგან თავის დაცვა, ის ხომ კანის დაბერებას აჩქარებს.

ბონუსი: დაკერებული კაბა სიღარიბის სიმბოლო აღარ არის.

ძნელი დასაჯერებელია, მაგრამ დღესდღეობით დაკერებული პრინტის მქონე კაბებს ცნობილი დიზაინერების კოლექციებში შევხვდებით. ვერ უარვყოფთ, რომ მათი შეხედვა ნოსტალგიის გრძნობას გვიღვივებს.

ასევე დაგაინტერესებთ:

1. ამ ვარსკვლავებმა შეიყვარეს საკუთარი სხეულის ნაკლოვანება და ის საკუთარ ძლიერ მხარედ აქციეს